Քաղաքականություն
30.06.2021 | 12:01
Ադրբեջանում շարունակվում են հայ գերիների նկատմամբ հարուցված շինծու քրեական գործերով դատավարությունները։
Այսօր Բաքվում մեկնարկել է հայ ռազմագերիներ Լյուդվիգ Մկրտչյանի ու Ալյոշա Խոսրովյանի ապօրինի քրգործով հերթական նիստը։ Այն ընթանում է Յասամալի շրջանային դատարանի շենքում, դատավոր Էլբեյ Ալլահվերդիևի նախագահությամբ։
Ադրբեջանական լրատվամիջոցների փոխանցմամբ՝ հայ գերիները ցուցմունք են տալիս։
Ադրբեջանը հայ գերիներին մեղադրում է Արցախյան առաջին պատերազմում ադրբեջանցի գերիներին խոշտանգելու և այլ հանցագործությունների կատարման մեջ։
Նշենք, որ նախօրեին էլ շիրակցի ռազմագերիների շինծու քրգործով դատավարություններն էին ընթանում։ Այսպիսով, պաշտոնական Բաքուն հայ ռազմագերիների դեմ հարուցել է քրգործեր՝ Հայաստան նրանց վերադարձին խոչընդոտելու համար։
Էմմա Չոբանյան
