30.06.2026 | 10:26
Մոնակոյում բնակելի շենքում պայթյուն է որոտացել․ ուկրաինացի գործարար է վիրավորվել
Կանադայում ռեկորդային շոգի պատճառով տասնյակ մարդիկ են մահացել․ BBC
Քաղաքականություն
30.06.2021 | 14:55
Կանադայում ռեկորդային շոգի պատճառով տասնյակ մարդիկ են մահացել։ Վանկուվերի ոստիկանությունը ուրբաթ օրվանից մինչ օրս արձագանքել է ավելի քան 130 անսպասելի մահվան դեպքերի մասին հաղորդման։ Նրանցից շատերը եղել են տարեցներ կամ ունեցել են առողջական խնդիրներ։ Ոստիկանությունից հայտնել են, որ մահվան դեպքերին ուղեկցող գործոն է եղել շոգը, հայտնում է BBC-ն։
Բրիտանական Կոլումբիա նահանգում էլ 2 օրում գրանցվել է անսպասելի մահվան շուրջ 70 դեպք։
Այս շաբաթ երկրում գրանցվել է ռեկորդային 49.5C ջերմաստիճան։ Մինչ այս, Կանադայում ջերմաստիճանը երբեք չի գերազանցել 45 աստիճանը։
Լիտոն գյուղի բնակչուհին պատմել է լրագրողներին, որ փողոց դուրս գալ գրեթե անհնար է եղել։
«Մենք ջանում ենք հնարավորինս շատ մնալ փակ տարածքներում։ Սովորել ենք շոգին, դա չոր շոգ է, սակայն 30 աստիճանը զգալիորեն տարբերվում է 47 աստիճանից»,- ասել է նա։
Հարևան Բերնաբի քաղաքի ոստիկանությունն էլ հայտնել է, որ «անսպասելի մահվան» 25 ահազանգ է ստացել՝ հավելելով, որ նրանցից շատերը տարեցներ են եղել։ Իսկ կիրակի Բրիտանական Կոլումբիայի բժիշկներն արձագանքել են ջերմային հյուծվածության 107 դեպքի ու արևային հարվածի 32 դեպքի։
Տաթև Ֆռանգյան
