14.09.2026 | 19:44
Երևանում մեկնարկել է կայուն տրանսպորտային միջանցքներին նվիրված աշխատաժողով
Լաչինում ադրբեջանական զինվորական բեռնատար է վթարի ենթարկվել․ 2 ադրբեջանցի զինծառայող է մահացել
Քաղաքականություն
28.06.2021 | 20:20
Այսօր Արցախի գրավյալ Քաշաթաղի՝ Լաչինի շրջանում ճանապարհատրանսպորտային պատահար է տեղի ունեցել, որի հետևանքով երկու ադրբեջանցի զինծառայող է մահացել։
Ադրբեջանական լրատվամիջոցները, վկայակոչելով Պաշտպանության նախարարությունը, գրում են, որ «Կամազ» մակնիշի զինվորական բեռնատարի մասնակցությամբ վթարի հետևանքով մահացել են կրտսեր սերժանտ Ջոշգուն Զեյլանյլի Չինգիզօղլուն և ժամկետային զինծառայող Օրհան Ռահիմլի Էլհանօղլին։
Ըստ տեղեկությունների՝ մեքենան, որում եղել են զինծառայողները, գլորվել է ձորը։ Դեպքի առնչությամբ հարուցվել է քրեական գործ, կատարվում է քննություն։
Նշենք, որ վերջին շրջանում դժբախտ պատահարներ ադրբեջանցի զինծառայողների հետ հաճախ են լինում Արցախի գրավյալ շրջաններում։ Մասնավորապես, Քարվաճառի շրջանում հունիսի կեսերին Ալ լճում լողալիս խեղդվել էր կապիտան Իլհամ Ֆարզալիևը։ Այս դեպքի նախօրեին էլ, դարձյալ Լաչինի շրջանում, ավտովթարի հետևանքով երկու ադրբեջանցի զինծառայող էր մահացել՝ ավագ լեյտենանտ էլմեդդին Նասիբովն ու ենթասպա Ջամալ Ջամալին։
Էմմա Չոբանյան
