31.07.2026 | 12:10
Նարեկ Կարապետյանի տանը խուզարկություն է// «Մուլտի Վելնես»-ը վերաբացվել է հեռացված ցուցանակով․ ԼՈՒՐԵՐ
Հնդկաստանում COVID-19-ից ապաքինված երեխաների մոտ նոր համախտանիշ է ի հայտ եկել. The Times of India
Քաղաքականություն
28.06.2021 | 17:27
Հնդկաստանում կորոնավիրուսով վարակված երեխաների մոտ հաճախակի են դարձել բազմահամակարգային բորբոքային համախտանիշի դեպքերը, գրում է The Times of India-ն։
«Այս համախտանիշն արդեն մեկ տարեկան է, հիմա ավելի շատ դեպքեր են գրանցվում»,- պատմել է Չանդիգարում Բժշկական կրթության ինստիտուտի շտապօգնության և ինտենսիվ թերապիայի մանկաբուժության բաժնի վարիչ, պրոֆեսոր Ջայաշրին։
Բժիշկներն անհանգստությամբ են նշում, որ Հնդկաստանում դեռևս չկա պաշտոնական համազգային վիճակագրություն այս հիվանդության վերաբերյալ, ինչպես նաև դրա դեմ պայքարելու խորհրդատվություն։
Հիվանդությունը սովորաբար զարգանում է COVID-19-ից պատանու կամ մանկահասակ երեխայի ապաքինվելուց 4-6 ամիս հետո։ Դրա ախտանշաններն են՝ բարձր ջերմությունը, տենդը, ցանը, լուծն ու փսխումը, արյան ցածր ճնշումը։ Այն շատ հաճախ շփոթում են այլ մանկական հիվանդությունների հետ։
Մասնագետները կարծում են, որ այս համախտանիշի հաճախականության աճի պատճառներից մեկն այն է, որ երեխաները ավելի քիչ են շարժվում, ավելի քիչ են քայլում և չեն հաճախում դպրոց՝ կորոնավիրուսային համաճարակի հետ կապված սահմանափակումների պատճառով: Նկատվել է, որ ավելորդ քաշ ունեցող երեխաների մոտ համախտանիշի զարգացման ռիսկն ավելի մեծ է:
Տաթև Ֆռանգյան
