26.04.2026 | 14:53
«Հայաստանը՝ աշխարհի ամենաանվտանգ երկրների շարքում. մեծամասշտաբ միջոցառումներն անցել են առանց միջադեպերի». ՆԳՆ
Շվեդիայի վարչապետը հայտարարել է հրաժարական տալու մասին
Քաղաքականություն
28.06.2021 | 15:21
Շվեդիայի վարչապետ Ստեֆան Լյովենը հայտարարել է իր հրաժարականի մասին: Այսպիսով, երկրում արտահերթ ընտրություններ չեն լինի: Լյովենը խորհրդարանի նախագահին խնդրել է նոր կառավարություն կազմել, հաղորդում է Euronews-ը:
Մեկ շաբաթ առաջ սոցիալ-դեմոկրատ Լյովենը դարձել է Շվեդիայի նախարարների կաբինետի առաջին ղեկավարը, ում խորհրդարանն անվստահության քվե է տվել։ «Շվեդ դեմոկրատներ» պոպուլիստական կուսակցության նախաձեռնած քվեարկության ժամանակ վարչապետին դեմ են քվեարկել պատգամավորների մեծ մասը։
Լյովենը խոստացել էր կա՛մ հրաժարական տալ, կա՛մ արտահերթ ընտրություններ հայտարարել։ Արդյունքում, կոալիցիոն գործընկերների հետ խորհրդակցությունից հետո, քաղաքական գործիչը որոշել է հրաժարական տալ։
Ստեֆան Լյովենը Շվեդիայի կառավարության ղեկավարն էր 2014 թվականից: Խորհրդարանն անվստահություն է հայտնել վարչապետին՝ նախարարների կաբինետի՝ նորակառույց տներում վարձով բնակարանների համար շուկայական գներ սահմանելու վերաբերյալ առաջարկի պատճառով:
Տաթև Ֆռանգյան
