18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Մարին Լը Պենի կուսակցությունը պարտվել է Ֆրանսիայում տարածաշրջանային ընտրություններում
Քաղաքականություն
28.06.2021 | 11:57
Ֆրանսիայում աջ ծայրահեղական «Ազգային միավորում» կուսակցությունը չի կարողացել հաղթել տարածաշրջանային ընտրություններում. էքզիթ փոլերը ցույց են տվել, որ կուսակցության թեկնածու Թիերի Մարիանին երկրի հարավարևելյան Պրովանս-Ալպեր-Կոտ դ’Ազուր շրջանում հավաքել է ձայների միայն 43%-ը՝ զիջելով աջակենտրոն կուսակցության ներկայացուցչին, գրում է BBC-ի ռուսական ծառայությունը:
«Ազգային միավորմանը» չի հաջողվել հաղթել նաև երկրի հյուսիսային Օ-դը-Ֆրանս շրջանում ևս, որի վրա էր շեշտը դրել կուսակցության ղեկավար Մարին Լը Պենը։ Այստեղ հաղթել է պահպանողական Քսավյե Բերտրանը։
Ըստ պարբերականի՝ Մարին Լը Պենը շտապել է մեղադրել իր մրցակիցներին «ոչ բնական դաշինքներ» ստեղծելու մեջ, որպեսզի թույլ չտան իր կուսակցությանը գալ իշխանության։
Այս ընտրություններում, որոնց մասնակցել են ռեկորդային ցածր թվով ընտրողներ (շուրջ 30%), Ֆրանսիայի նախագահ Էմանուել Մակրոնի կենտրոնական «Առա՛ջ հանրապետություն» կուսակցությունը ևս վատ արդյունքներ է գրանցել՝ չհաղթելով երկրի և ոչ մի շրջանում։
Մյուս նախնական արդյունքները վկայում են ավանդական աջակենտրոնների ու ձախակողմյան կուսակցությունների հաղթանակի մասին։
Տաթև Ֆռանգյան
