02.04.2026 | 11:12
Պետություն-եկեղեցի հարաբերությունների առնչությամբ ԱԺ հայտարարության վերաբերյալ լսումներ. ՈՒՂԻՂ
Չեխիայի դպրոցներից մեկում 19 աշակերտ ուշագնաց է եղել․ պատճառներն անհայտ են
Քաղաքականություն
25.06.2021 | 16:01
Չեխիայի արևմուտքում գտնվող Սոկոլով քաղաքի միջնակարգ դպրոցում այսօր առավոտյան դասերի մեկնարկին մեկը մյուսի հետևից ուշագնաց է եղել 19 աշակերտ։ Բժիշկները, հրշեջներն ու ոստիկանությունը փորձում են պարզել՝ պատճառը սննդային թունավորո՞ւմն է, թե՞ գազի արտահոսքը։ «ՌԻԱ Նովոստիի» հաղորդմամբ՝ այս մասին հայտնել է շտապօգնության ներկայացուցիչ Ռադեկս Գեսը։
«Ժամը 8։15-ին հաղորդում ենք ստացել այն մասին, որ նշված դպրոցում գիտակցությունը կորցրել է 2 աշակերտ։ Անմիջապես դեպքի վայր են մեկնել բժիշկներ։ Այս պահին արդեն գրանցվել է 19 դեպք։ Դպրոցում աշխատում է շտապօգնության 8 բրիգադ, ժամանել են նաև հրշեջներ ու ոստիկաններ։ Դեռևս հայտնի չեն կատարվածի պատճառները»,- ասել է Գեսը։
Իր հերթին Սոկոլովի քաղաքապետ Ռենատա Օուլեգլովան լրագրողներին հայտնել է, որ հրշեջները դպրոցում գազի արտահոսք չեն հայտնաբերել։
Տաթև Ֆռանգյան
