05.01.2025 | 21:53
Մատուցվեց Սուրբ ծննդյան ճրագալույցի պատարագ․ ԼՈՒՍԱՆԿԱՐՆԵՐ
Միջուկային զենքի կիրառման վտանգն աննախադեպ բարձր մակարդակի է հասել․ ՄԱԿ
Քաղաքականություն
23.06.2021 | 16:11
Միջուկային զենքի կիրառման վտանգը վերջին տասնամյակում աննախադեպ բարձր մակարդակի է հասել։ Այս մասին Քարնեգի հիմնադրամին տեսակոնֆերանսի ժամանակ հայտարարել է ՄԱԿ-ի գլխավոր քարտուղարի տեղակալ, զինաթափման հարցերով գերագույն ներկայացուցիչ Իձումի Նակամիցուն, գրում է DW-ի ռուսական ծառայությունը։
«Դիտավորյալ գործողությունների արդյունքում, միջադեպի կամ սխալ հաշվարկի պատճառով միջուկային զենքի կիրառման վտանգը սառը պատերազմից հետո ամենաբարձր մակարդակի վրա է»,- ընդգծել է նա։
Նակամիցուն նաև նշել է, որ սպառազինությունների վերահսկման ռեժիմը «շարունակում է քանդվել»։
Միևնույն ժամանակ, Ստոքհոլմի ինստիտուտի խաղաղության խնդիրների ուսումնասիրության մասին զեկույցում նշվում է, որ շուրջ 2․000 մարտագլխիկ աշխարհում մարտական բարձր պատրաստվածության վիճակում է, և դրանցից շատերը պատկանում են Մոսկվային ու Վաշինգտոնին։ Նրանց է բաժին ընկնում երկիր մոլորակի վրա միջուկային զենքի պահուստների 90 տոկոսը։
Զեկույցի հեղինակները նշում են, որ երկու երկրներն է՛լ ավելի են կարևորում միջուկային զենքն իրենց ազգային անվտանգության ռազմավարության մեջ:
Տաթև Ֆռանգյան
