02.04.2026 | 12:34
«Թրամփի ուղու» համաձայնագիրը խախտել է 1828թ-ից գործող հավասարակշռությունը Հարավային Կովկասում. Օվերչուկ
Աշխարհի 4 երկրում սուր սով է․ ՄԱԿ
Քաղաքականություն
23.06.2021 | 12:55
Եթովպիայում, Մադագասկարում, Հարավային Սուդանում և Եմենում սուր սով է, ինչը վկայում է աշխարհում այս խնդրի մասշտաբների աճի մասին։ Այս մասին ասված է ՄԱԿ-ի Պարենի համաշխարհային ծրագրի (ՊՀԾ) զեկույցում։
Նշվում է, որ այս երկրներում սովի է մատնված 584 հազար մարդ: Միևնույն ժամանակ, մոլորակի ևս 43 երկրի 41 միլիոն բնակիչ (2019 թ.-ի 27 մլն-ի համեմատ) կանգնած է սովի եզրին։
Կազմակերպությունից հայտնել են, որ այս իրավիճակի պատճառը տարածաշրջանային հակամարտություններն են, կլիմայի փոփոխությունը, ինչպես նաև այնպիսի տնտեսական գործընթացները, ինչպիսին են ճգնաժամը, արժույթի արժեզրկումը, հիմնական սննդի գների կտրուկ աճը։
Որպես օրինակ՝ ՄԱԿ-ը նշում է Լիբանանը, Նիգերիան, Սուդանը, Վենեսուելան և Զիմբաբվեն, որտեղ գնաճը կտրուկ վատթարացրել է բնակչության վիճակը:
Կազմակերպությունը հիշեցնում է, որ այս տարի ՊՀԾ-ն իրականացնում է ամենալայնածավալ աջակցության ծրագիրը՝ օժանդակություն ցուցաբերելով շուրջ 139 միլիոն մարդու, ուստի ծրագիրը ֆինանսավորման խիստ կարիք ունի:
Տաթև Ֆռանգյան
