16.02.2026 | 17:26
ՀՀ ԱԺ ընտրություններին ընտրական իրավունք ունի 2 միլիոն 489 հազար 31 քաղաքացի․ Միգրացիայի և քաղաքացիության ծառայություն
Կորոնավիրուսի հնդկական շտամի վարակելիությունը մոտ 2 անգամ մեծ է․ պատվաստանյութերն այս դեպքում ևս արդյունավետ են․ Գայանե Սահակյան. ՏԵՍԱՆՅՈՒԹ
22.06.2021 | 15:20
Կորոնավիրուսով հիվանդացության դեպքերը, տեսնում եք, որ օրական կտրվածքով նվազել են, բայց ամեն ինչ կախված է վիրուսի վերարտադրման ունակությունից: Այս մասին այսօր ասուլիսի ժամանակ հայտնեց ՀՀ ԱՆ Հիվանդությունների վերահսկման և կանխարգելման ազգային կենտրոնի գլխավոր տնօրենի տեղակալ, իմունականխարգելման ազգային ծրագրի ղեկավար Գայանե Սահակյանը:
«Պետք է հաշվի առնել այն հանգամանքը, որ մենք ճամփորդում ենք, ՀՀ-ում սահմանափակումները բավական քիչ են, մեծ թվով զբոսաշրջիկներ են ժամանում և շատ հնարավոր է առաջիկայում ունենանք նույն տարբերակի շրջանառություն նաև ՀՀ-ում:
Ի դեպ, նույն տարբերակի առանձնահատկությունը նաև այն է, որ վարակելիությունը բավականին ակտիվացել է, աշխույժ է, երբ հնդկական շտամը բրիտանական ալֆա շտամի հետ համեմատում ենք, մոտ երկու անգամ վարակի տարածման ինտենսիվությունը մեծ է»,- նշեց Սահակյանը: Նրա խոսքով՝ պատվաստանյութերն այս դեպքում ևս արդյունավետ են:
Մանրամասները՝ տեսանյութում:
