18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
Եկեք սպասենք ժամը 18։00-ին․ խոսնակը՝ Արայիկ Հարությունյանի հնարավոր հրաժարականի մասին
Քաղաքականություն
22.06.2021 | 15:11
Արցախի նախագահ Արայիկ Հարությունյանն այսօր ժամը 18․00-ին Ստեփանակերտի Վերածննդի հրապարակում հանդես է գալու ուղերձով։ Այս մասին Հարությունյանը հայտնել է ֆեյսբուքյան գրառմամբ։
Այս հայտարարությունը հաջորդեց երեկ՝ հունիսի 21-ին, Ստեփանակերտում տեղի ունեցած բողոքի ակցիային, որի ժամանակ մի խումբ արցախցիներ պահանջում էին Արայիկ Հարությունյանի հրաժարականը։
Factor.am-ը մեկնաբանություն խնդրեց Արցախի նախագահի խոսնակ Լուսինե Ավանեսյանից՝ պարզելու՝ այսօր Արայիկ Հարությունյանը հրաժարական ներկայացնելո՞ւ է, թե՞ ոչ։ Խոսնակը մեզ հետ զրույցում ասաց, որ նախագահը ժողովրդին է դիմելու ուղերձով՝ կապված և՛ ներքաղաքական զարգացումների, և՛ Արցախի ապագայի հետ։
Հարցին՝ բացառո՞ւմ է Հարությունյանի հրաժարականը, Ավանեսյանը պատասխանեց․ «եկեք սպասենք ժամը 18․00-ին»։
Հիշեցնենք, որ Հունիսի 20-ի գիշերը, երբ դեռ ընթանում էր ԱԺ արտահերթ ընտրությունների քվեների հաշվարկը, սակայն արդեն պարզ էր ՔՊ-ի առաջատար լինելը, Factor.am-ն արձանագրել էր, որ Արայիկ Հարությունյանը ժամանել է կուսակցության նախընտրական շտաբ։ Հարությունյանը նշել էր, որ անձնական հարցերով է Երևանում։
Արփի Հակոբյան
