06.02.2026 | 23:50
Սպասելի էր, որ Ադրբեջանի թիմը չի ժամանելու Հայաստան․ ՀԲՖ գլխավոր քարտուղար
Ի՞նչ էիք արել ժողովրդին, որ Ձեզ քվե չտվեց իշխանություն ձևավորելու համար. հարց՝ Քոչարյանին. ՏԵՍԱՆՅՈՒԹ
Քաղաքականություն
22.06.2021 | 13:04
Երեք տարվա ընթացքում տեսանք, թե ինչ եղավ մեր պետության հետ՝ պատերազմ, տարածքային կորուստներ, կորոնավիրուսի համավարակ, տնտեսական և սոցիալական բազմաթիվ խնդիրներ: Հետաքրքիր է, դուք ի՞նչ էիք արել ժողովրդին, որ այս ամենից հետո նրանք իրենց քվեն կրկին տվեցին այս իշխանությանը, որ այսքան դժբախտություն էր բերել մեր ժողովրդի գլխին: Ի՞նչ էիք արել, որ չկարողացան ձեզ ներել: Անդրադառնալով Factor.am-ի այս հարցին՝ ՀՀ երկրորդ նախագահ, «Հայաստան» դաշինքի վարչապետի թեկնածու Ռոբերտ Քոչարյանը նշեց. «Ձեր հարցադրումը ինձ համար հասկանալի չէ: «Հայաստան» դաշիքն այսօր քվեներով երկրորդն է, սա նշանակում է շատ լուրջ կարգավիճակ երկրում: «Հայաստան» դաշինքի ձևավորումից հետո ամբողջությամբ փոխվեց ընդդիմադիր դաշտը: Սա մեր ազդեցության, մեր կշիռի արտահայտությունն է, սա պետք է գնահատել… Մենք հնարավորություն ունենք ավելի ակտիվ աշխատելու, դուք կտեսնեք, թե մեր կշիռն ուր է հասնելու»:
Ճշտող հարցին, թե արդյո՞ք չէր արել մի այնպիսի բան, որի համար ժողովուրդը նրան քվե չի տվել իշխանություն ձևավորելու համար, Քոչարյանն արձագանքեց. «Անկեղծ ասած, ձեր հարցը չեմ հասկանում: Ես կարող եմ ասել՝ ես ինչ եմ արել… ամբողջ երկիրն ենք կառուցել, մեր արածը մարդկանց հիշեցրել ենք և ստացել ենք ձայների 21 տոկոսը»:
Մանրամասները՝ տեսանյութում:
