18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Առաջիկա շաբաթում կորոնավիրուսի 600 նոր դեպք կարող է լինել, 5-ը՝ ծայրահեղ ծանր․ Գայանե Սահակյան. ՏԵՍԱՆՅՈՒԹ
22.06.2021 | 12:54
Առաջիկա շաբաթվա ընթացքում Հայաստանում սպասվում է COVID-19-ի 600 նոր դեպք: Ըստ մասնագետների հաշվարկների, վարակվածների մոտ մեկ երրորդը (մոտ 180 հոգի) հոսպիտալացման կարիք կունենա, իսկ նրանցից 5-ը ծայրահեղ ծանր վիճակում կհայտնվի վերակենդանացման բաժանմունքում: Այս մասին լրագրողների հետ հանդիպման ժամանակ հայտարարեց ՀՀ ԱՆ Հիվանդությունների վերահսկման և կանխարգելման ազգային կենտրոնի Իմունականխարգելման ազգային ծրագրի ղեկավար Գայանե Սահակյանը: Մասնագետի կարծիքով՝ այս իրավիճակից միակ փրկությունը պատվաստումներն են:
Նրա խոսքով՝ այժմ համաճարակային իրավիճակը Հայաստանում հարաբերական կայուն է, նոր դեպքերի կտրուկ աճ դեռ չկա, սակայն վերջին 14 օրերի ընթացքում կորոնավիրուսի վերարտադրության ցուցանիշը 0.4-ից աճել է 1.1-ի, ինչը նշանակում է, որ ոչ հեռու ապագայում նոր դեպքերի կտրուկ աճ կարող է գրանցվել:
Մասնագետը նշեց, որ աշխարհում համաճարակային իրավիճակը դեռ լարված է, և մուտացիայի ենթարկված նոր շտամները բազմաթիվ խնդիրներ են առաջացնում: Սահմանափակումները բազմաթիվ երկրներում դեռ պահպանվում են, չնայած պատվաստումային գործընթացը ակտիվորեն շարունակվում է:
Մանրամասները՝ տեսանյութում:
