17.12.2025 | 22:03
Երևանում Opel մակնիշի ավտոմեքենա է այրվել
Էրդողանը հայտարարել է թուրք-ամերիկյան հարաբերություններում նոր դարաշրջանի մասին
Քաղաքականություն
22.06.2021 | 13:31
Թուրքիայի նախագահ Ռեջեփ Թայիփ էրդողանը հայտարարել է, որ Թուրքիան և ԱՄՆ-ն իրենց հարաբերություններում «նոր դարաշրջան» են մտնում։ Ելույթ ունենալով նախարարների կաբինետի նիստից հետո՝ էրդողանը կոչ է արել ԱՄՆ-ին հարգել Թուրքիայի ինքնիշխան հարաբերությունները՝ ակնհայտորեն նկատի ունենալով ռուսական S-400 ԶՀՀ գնելու իր որոշումը, ինչպես նաև աջակցել քրդական խմբավորումների դեմ Անկարայի պայքարին, որոնց նա համարում է «ահաբեկչական», գրում է Associated Press-ը։
«Մենք հավատում ենք, որ դրական և կառուցողական կերպով Միացյալ Նահանգների հետ բացել ենք նոր դարաշրջանի դռները: Թուրքիայի միակ պահանջն այն է, որ բոլորը հարգեն նրա քաղաքական ու տնտեսական ինքնիշխան իրավունքներն ու աջակցություն ցուցաբերեն այն պայքարին, որը երկրի ներսում ու դրա սահմաններից դուրս տարվում է ընդդեմ ահաբեկչական կազմակերպությունների»,- նշել է Էրդողանը։
Թուրք առաջնորդն այս հայտարարությունն արել է ՆԱՏՕ-ի գագաթնաժողովի շրջանակում ԱՄՆ նախագահ Ջո Բայդենի հետ առաջին հանդիպումից ուղիղ մեկ շաբաթ անց։ Էրդողանը փորձում է վերականգնել վերջին տարիներին ԱՄՆ-ի և արևմտյան այլ գործընկերների հետ փչացրած հարաբերությունները, քանի որ նրա կառավարությունը պայքարում է լուրջ տնտեսական անկման դեմ, որն է՛լ ավելի է խորացել Covid-19-ի համաճարակի պատճառով։
Տաթև Ֆռանգյան
