18.11.2024 | 23:35
ԵՄ-ն ծրագրում է «քաղաքական առաքելություն» ուղարկել Վրաստան. Բորել
Չփորձեք հայաստանցիների և արցախցիների միջև սեպ խրել, թույլ չենք տա. Փաշինյան․ ՏԵՍԱՆՅՈՒԹ
Քաղաքականություն
21.06.2021 | 21:35
«Ոմանք փորձեցին իրենց նեղ քաղաքական նպատակների համար կրկին հակադրություններ սերմանել Արցախի և Հայաստանի հայության միջև»,- այսօր Հանրապետության հրապարակում հրավիրած հանրահավաքում ասաց վարչապետի պաշտոնակատար Նիկոլ Փաշինյանը։
«Ես ուզում եմ ասել, որ դա անթույլատրելի է, Հայաստանի ժողովուրդը, Հայաստանի կառավարությունը եղել է, կա և կլինի Արցախի կողքին, Արցախի ժողովրդի կողքին»,- հայտարարեց Փաշինյանը։ Նրա խոսքով՝ Արցախի խնդրի արդարացի կարգավորումը օրակարգում է․ «Ինչպես նախորդ ելույթում առիթ եմ ունեցել ասելու՝ անջատում հանուն փրկության բանաձևի շրջանակներում»։
Փաշինյանը նշեց, որ համոզված է՝ այն մարդկանց, ովքեր հայաստանցի-արցախցի հակադրության վրա երկար տարիներ իրենց ձեռքերն էին տաքացրել և գրպանները լցրել, հիմա նրանց դա չի հաջողվի։ «Չփորձեք հայաստանցիների և արցախցիների միջև սեպ խրել, թույլ չենք տա: Ուղղակի կոչ եմ անում հրաժարվել այդ գործելակերպից, եթե պետք է՝ խնդրում եմ, պահանջում եմ, չփորձեք արցախցիների ու հայաստանցիների միջև հակադրություններ մտցնել»։
Մանրամասները՝ տեսանյութում:
