Հիմա մեծամասնությունը հասկանում է, որ Տեր-Պետրոսյանը ճիշտ էր. Լևոն Զուրաբյան

2017թ․ ՀԱԿ-ն այնքան էլ բարձր արդյունքներ չէր գրանցել, արդյո՞ք այս անգամ հանրության մեծամասնությունն ընկալում է ՀԱԿ-ի գաղափարախոսությունն ու առաջ քաշած թեզերը: Նախընտրական քարոզարշավն ամփոփելով ասուլիսում՝ այս հարցին անդրադառնալով ՀԱԿ պատգամավորության թեկնածու Լևոն Զուրաբյանը:

Զուրաբյանի խոսքով՝ չպետք է մոռանալ, թե ինչ համակարգում էին կատարվում ընտրությունները՝ համատարած կեղծիքների, կաշառքների բաժանման: Իրենց ստացած ձայների տոկոսները նա չհամարեց իրենց ազդեցության արտահայտություն: «Մյուս կողմից՝ խաղաղության, հաշտության, բարիդրացիության այդ կոչը չդարձավ ամբողջ ժողովրդի գաղափարն, ու դրանում իրենց մեղքն ունեն բոլոր մնացած քաղաքական ուժերը, որ այդ ընտրարշավի ժամանակ ասում էին՝ Ղարաբաղի հարցը լուծված է, վտանգ չկա, մեր բանակը ամենամարտունակն է, ի՞նչ պարտվողական տրամադրություններ եք սերմանում…

ԱՄենք աղետի միջով անցանք, ծանր գնով են ձեռք բերվել նոր ըմբռնումներ,մենք դրանից բացարձակ երջանիկ չենք, բայց հիմա հանրության մեծամասնությունը հասկանում է, որ Տեր-Պետրոսյանը ճիշտ էր»,- նշեց Զուրաբյանը՝ հավելելով, որ իրենց կուսակցության հաղթանակը նկատելի է քաղաքներում, երիտասարդների շրջանում, բայց իրենց ուղերձները համայնքներում հասանելի դարձնելը դժվար է եղել:

GALLUP International-ի վերջին հարցման վերաբերյալ, որտեղ ՀԱԿ-ը ձայները քիչ տոկոս էր հավաքել, Զուրաբյանն ասաց, որ այդ հարցումների արդյունքները հավաստի չեն. «Դա հոգեբանական ազդեցության միջոց է»:

Մանրամասները՝ տեսանյութում: