29.04.2024 | 19:46
ՀՀ նախագահն ընդունել է Գնել Սանոսյանին
Լավրովն ու ԵԱՀԿ գլխավոր քարտուղարը կքննարկեն Լեռնային Ղարաբաղի հակամարտության հարցը
Քաղաքականություն
17.06.2021 | 18:13
ՌԴ ԱԳ նախարար Սերգեյ Լավրովը հունիսի 21-ին Մոսկվայում հանդիպելու է ԵԱՀԿ գլխավոր քարտուղար Հելգա Շմիդտին։ Այս մասին ճեպազրույցի ընթացքում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան, գրում է ՏԱՍՍ-ը։
Զախարովան նշել է, որ ԵԱՀԿ գլխավոր քարտուղարը Մոսկվա է ժամանելու պաշտպանության նախարարի հրավերով՝ մասնակցելու Միջազգային անվտանգության մոսկովյան 9-րդ կոնֆերանսին։
Ըստ Զախարովայի՝ բանակցությունների օրակարգը ներառում է ԵԱՀԿ ընթացիկ աշխատանքին նվիրված հարցերի լայն շրջանակ անվտանգության երեք հարթություններում՝ ռազմաքաղաքական, տնտեսական-էկոլոգիական և մարդու իրավունքներ:
«Նախատեսվում է քննարկել այդ կազմակերպության դերակատարումը կառույցի տարածքում գտնվող տարածաշրջանային հակամարտությունների լուծման գործում»,- ասել է Մարիան Զախարովան։
Նա նաև տեղեկացրել է, որ կողմերը կարծիքներ են փոխանակելու Մերձդնեստրյան, Լեռնային Ղարաբաղի հակամարտությունների կարգավորման գործընթացում առկա իրավիճակի և Ժնևյան քննարկումների շուրջ։
Էմմա Չոբանյան
