17.12.2025 | 10:42
Համաձայնագիրը խաղաղության հիմքն է, եթե կա բարի կամք և փոխադարձ հարգանք. իսպանացի պատգամավորը՝ Երևան-Բաքու երկխոսության մասին
Ականջներից բռնած կանչելու ենք պատասխանատվության․ Արման Բաբաջանյան. ՏԵՍԱՆՅՈՒԹ
Քաղաքականություն
17.06.2021 | 16:35
Մենք հանդես ենք գալիս ժողովրդավարության պաշտպանության դիրքերից, համոզված ենք, որ մեր երկրի անվտանգությունն ավելի բարձր մակարդակի վրա կլինի, եթե Հայաստանում ժողովրդավարության մակարդակը կարողանանք բարձր պահել: Այս մասին այսօր Նոյեմբերյանում նախընտրական հանդիպման ժամանակ հայտարարեց «Շիրինյան-Բաբաջանյան ժողովրդավարների դաշինքի» պատգամավորության թեկնածու Արման Բաբաջանյանը:
«Այս ընտրությունները որոշելու են Հայաստանի լինել – չլինելու հարցը: Այս ընտրությունները վճռորոշ կլինեն՝ Հայաստանը կշարունակի իր անկախ, ժողովրդավարական ընթացքը, թե կլինի մի մեծ կայսրության ծայրամասային գուբերնիա:
Փաստացի պատերազմի մեջ գտնվող երկիրը պետք է ունենա ուժեղ իշխանություն, ուժեղ իշխանություն ունենալու համար ոչինչ չպետք է խնայենք: Ձեր քվեով պետք է հավելյալ ուժ տաք այն քաղաքական միավորին, որը ստանձնելու է մեր երկրի ղեկը՝ մեր ժողովրդի համար այս ճակատագրական հանգրվանում…
Մեր դաշնակիցը Սփյուռքն է… Մեր դաշինքի հաղթանակով մեր հայրենակիցներին տուն բերելու ժամանակն է, նրանց ներգրավմամբ մեր հայրենիքը ոտքի կանգնեցնելու ժամանակն է»,- նշեց Բաբաջանյանը՝ հավելելով՝ մեր դաշինքը նվիրվելու է պետականության պաշտպանության գործին, ոչինչ այնքան կարևոր չէ, որքան մեր ինքնիշխանությունն է:
«Ներքին թուրքերի խոսույթում երբևէ լսե՞լ եք անկախություն, ազատություն ինքնիշխանություն բառերը, այդ մարդիկ իրենց թալանածի պաշտպանության ու թալանի նոր օջախներ փնտրելու մոլուցքով են տարված, բայց մենք շատ լավ պատկերացնում ենք, թե նրանցից յուրաքանչյուրին ոնց ենք ականջներից բռնած բերելու պատասխանության և կոխելու ենք այն ծակերը, որտեղից նրանք չպետք է դուրս գային և հնարավորություն չպիտի ունենային այս ընտրություններին մասնակցելու»:
Մանրամասները՝ տեսանյութում:
