27.11.2024 | 19:37
Կապանում ՌԴ գլխավոր հյուպատոսության բացման համար սպասում ենք ՀՀ պատասխանին․ Զախարովա
Բելառուսի իշխանությունները դաժան բռնաճնշումների են ենթարկում բժիշկներին․ Amnesty International
Քաղաքականություն
17.06.2021 | 15:48
Amnesty International (AI) միջազգային իրավապաշտպան կազմակերպությունը հայտարարել է բողոքի ցույցերին մասնակցած կամ իշխանություններին քննադատած բժիշկների հանդեպ Բելառուսի իշխանությունների դաժան բռնաճնշումների մասին։
Կազմակերպության տվյալներով՝ իշխանություններին քննադատելու համար աշխատանքից ազատվել են տասնյակ բժիշկներ, նրանցից շատերը զրկվել են բժշկության ոլորտում գործունեություն ծավալելու հնարավորությունից։ Զեկույցում նշվում է, որ բազմաթիվ բժիշկներ սպառնալիքներ են ստացել։
Աշխատանքից զանգվածային ազատումները տեղի են ունենում՝ չնայած Բելառուսում առողջապահական ոլորտում կադրային պակասին, ինչն աղետալի իրավիճակի կհանգեցնի հատկապես մարզերում, նշում են իրավապաշտպանները։
«Բելառուսի իշխանությունները թքած ունեն մարդկանց առողջության և այլ մարդու իրավունքների վրա: Ցանկացած խաղաղ անհամաձայնության նկատմամբ իշխանությունների արձագանքը բռնությունն ու դաժան բռնաճնշումն են: Բժիշկներն ու բույժքույրերը հայտնվել են նրանց շարքում, ովքեր անհավանական գին են վճարել իրենց մասնագիտության ու մարդկային կարեկցանքի դրսևորման համար»,- ասված է զեկույցում։
Տաթև Ֆռանգյան
