19.05.2026 | 16:04
Սամվել Կարապետյանի անձնագրային գործում որպես աշխատանքի վայր նշված է եղել ФСБ-ի տեղեկատվական կենտրոնը․ The Insider
Ավարտվել է նեղ կազմով Պուտին-Բայդեն հանդիպումը․ այն շուրջ 2 ժամ է տևել
Քաղաքականություն
16.06.2021 | 17:57
Ժնևում ավարտվել են Վլադիմիր Պուտինի ու Ջո Բայդենի նեղ կազմով բանակցությունները։ Այս մասին ՌԻԱ Նովոստիին հայտնել է ՌԴ նախագահի մամուլի քարտուղար Դմիտրի Պեսկովը։
Բանակցություններին, բացի նախագահներից, ներկա են եղել նաև ԱԳՆ ղեկավարներ Սերգեյ Լավրովն ու Էնթոնի Բլինքենը։ «Լա Գրանժ» վիլլայում հանդիպումը սկսվել է տեղի ժամանակով 13։30-ին։ Գագաթնաժողովի առաջին մասը տևել է շուրջ 2 ժամ։
Ընդմիջումից հետո կմեկնարկի ընդլայնված ձևաչափով հանդիպումը։ Ընդհանուր առմամբ, բանակցությունները կտևեն շուրջ 5 ժամ։
Ավելի վաղ հայտնի էր դարձել, որ համատեղ մամլո ասուլիս չի նախատեսվում․ Ջո Բայդենն ու Վլադիմիր Պուտինը լրագրողներին կհանդիպեն նախագաներն առանձին-առանձին։
Հիշեցնենք՝ սա Պուտինի ու Բայդենի առաջին հանդիպումն է Բայդենի՝ ԱՄՆ նախագահի պաշտոնը ստանձնելուց հետո։
Տաթև Ֆռանգյան
