07.02.2026 | 12:15
ԱՄՆ-ում ՀՀ դեսպանությունը և Care for Children-ը միավորել են ջանքերը՝ հանուն երեխաների բարեկեցության
Վլադիմիր Պուտինը ժամանել է Ժնև․ նախատեսվում է հանդիպում ԱՄՆ նախագահի հետ
Քաղաքականություն
16.06.2021 | 15:15
Ռուսաստանի նախագահ Վլադիմիր Պուտինը ժամանել է Ժնև՝ ԱՄՆ նախագահ Ջո Բայդենի հետ բանակցությունների համար։ Այս պահին Պուտինն արդեն Լա Գրանժ վիլլայում է, որտեղ տեղի է ունենալու երկու երկրների ղեկավարների հանդիպումը, հաղորդում է «ՌԻԱ Նովոստիի» թղթակիցը։
Նշվում է, որ ընդլայնված կազմով բանակցությունները կսկսվեն տեղի ժամանակով ժամը 14։55-ին։ Բայդենը նաև մամլո ասուլիս կտա Պուտինի հետ հանդիպումից հետո, սակայն դրա մեկնարկի ժամը Սպիտակ տունը չի նշել։ Ի դեպ, ակնկալվում է, որ նախ ասուլիսով հանդես կգա ՌԴ ղեկավարը։
Հավելենք, որ սա կլինի ՌԴ և ԱՄՆ ղեկավարների առաջին դեմ առ դեմ հանդիպումը Բայդենի՝ ԱՄՆ նախագահ դառնալուց հետո։ Ժնև Պուտինի ուղևորությունը կլինի ռուս ղեկավարի առաջին արտագնա այցը 2020 թվականի հունվարից։
ՌԴ նախագահի օգնական Յուրի Ուշակովն ավելի վաղ հայտնել էր, որ երկու երկրների ղեկավարները կքննարկեն հակամարտությունները Լեռնային Ղարաբաղում, Ուկրաինայում, Սիրիայում, Լիբիայում, Աֆղանստանում։ Օրակարգում են նաև ռազմավարական կայունությունը, համաճարակը, կիբերհանցագործությունների դեմ պայքարը, տնտեսության ոլորտում համագործակցությունը, կլիմայի փոփոխությունն ու Արկտիկայի խնդիրները։
Տաթև Ֆռանգյան
