31.07.2026 | 13:07
ՊԵԿ-ը 78.4 մլն դրամի չվճարված հարկ է բացահայտել Ծառուկյանի «Մուլտի Ռեստ Հաուս» հյուրանոցում
ԵՄ-ն Բելառուսի դեմ պատժամիջոցների 4-րդ փաթեթն է համաձայնեցրել
Քաղաքականություն
16.06.2021 | 16:30
Եվրամիության անդամ երկրների մշտական ներկայացուցիչների հանձնաժողովը համաձայնեցրել է Բելառուսի դեմ պատժամիջոցների 4-րդ փաթեթը։ Այս մասին գրում է «Կոմերսանտը»՝ վկայակոչելով Reuters-ն ու ՌԻԱ Նովոստին։
Այժմ պատժամիջոցների մասին որոշումը պետք է հավանության արժանացնի ԵՄ Խորհուրդը, ինչից հետո այն ուժի մեջ կմտնի։
Reuters-ը հայտնել է, որ պատժամիջոցների ներքո են հայտնվում Բելառուսի Պաշտպանության ու տրանսպորտի նախարարությունից պաշտոնյաներ։ Հունիսի 10-ին Եվրախորհրդարանը բանաձև էր ընդունել հակաբելառուսական պատժամիջոցների ընդլայնման մասին։ Նոր սահմանափակումներից առավելագույն վնասը Մինսկը գնահատել է ՀՆԱ-ի 2.9%-ը:
Արևմուտքի երկրները որոշել են ընդլայնել Բելառուսի դեմ պատժամիջոցները՝ Մինսկում մայիսի 23-ին Ryanair-ի ինքնաթիռի հարկադիր վայրէջքից հետո։ Օդանավում եղել է Nexta Telegram ալիքի նախկին գլխավոր խմբագիր Ռոման Պրոտասևիչը։ Նրան ընկերուհու՝ Սոֆիա Սապեգայի հետ անմիջապես ձերբակալել են։ Բելառուսի իշխանությունները պնդում են, որ ինքնաթիռի վայրէջքի պատճառը եղել է ականապատման մասին հաղորդագրությունը։
Տաթև Ֆռանգյան
