13.05.2026 | 23:30
Ադրբեջանը հիշատակվում է Պենտագոնի կողմից հրապարակված չբացահայտված թռչող օբյեկտների ֆայլերում
Բաքվի դատարանը լիբանանահայ գերի Վիգեն Էուլջեքչյանին 20 տարվա ազատազրկման դատապարտեց
Հասարակություն
14.06.2021 | 11:39
Այսօր Բաքվի Յասամալի շրջանի դատարանում շարունակվել է լիբանանահայ գերի Վիգեն Էուլջեքչյանի նկատմամբ հարուցված շինծու գործով դատավարությունը։
Տեղական լրատվամիջոցների հաղորդմամբ՝ դատավոր Էլբեյ Ալլահվերդիևը հրապարակել է դատավճիռը․ Էուլջեքչյանը դատապարտվել է 20 տարվա ազատազրկման։ Ավելի վաղ կայացած նիստում նման պատժաչափ էր սահմանել մեղադրող դատախազը, իսկ Վիգեն Էուլջեքչյանը դատարանին խնդրել էր արդարացնել իրեն։
Ազատազրկման 5 տարին հայ ռազմագերին անցկացնելու է բանտում, մնացյալ մասը՝ խիստ ռեժիմի ուղղիչ հիմնարկում։
Հիշեցնենք՝ Բաքուն շինծու քրեական գործ է հարուցել Վիգեն Էուլջեքչյանի նկատմամբ՝ նրան մեղադրելով վարձկանության մեջ։ 2020 թվականի սեպտեմբերի 29-ին Բեյրութում բնակվող Էուլջեքյանը, իբր, ընդունել է Հովակ Կիկիյանի առաջարկը՝ մասնակցել ռազմական գործողություններին որպես «վարձկան»՝ 2․500 դոլար վարձատրության դիմաց։ Այսպիսի շինծու գործերով Բաքուն ցանկանում է խոչընդոտել հայ գերիների վերադարձին։
Էմմա Չոբանյան
