19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Հասարակությունը ուզում է մեզ հետ բերել. Արմեն Աշոտյան. ՏԵՍԱՆՅՈՒԹ
Քաղաքականություն
11.06.2021 | 13:39
«Սերժ Սարգսյանը շրջում է Երևանի փողոցներով, բակերով՝ գրեթե ամեն օր, երբ որ հասցնում է մարզից վերադառնալ Երևան, մենք ոչ մի բարդույթ չունենք հասարակության հետ հանդիպելու»,- այս մասին այսօր հրավիրված ասուլիսում ասաց «Պատիվ ունեմ» դաշինքի ներկայացուցիչ, ՀՀԿ փոխնախագահ Արմեն Աշոտյանը՝ անդրադառնալով դիտարկմանը, որ «Պատիվ ունեմ» դաշինքի առանցքային դեմքերը՝ Արթուր Վանեցյանը, Սերժ Սարգսյանը մարդամեջ դուրս չեն գալիս, միայն փակ դահլիճներում իրենց համակիրների հետ են հանդիպում, և հարցին, թե ի՞նչն է խանգարում, բարդույթներ ունե՞ն՝ հասարկության հետ հանդիպելու:
«Կարող ա մեր ժամանակ ամեն ինչ լավ չէր, կարող ա մենք էլ սուրբ չէինք, իսկ ո՞վ է սուրբ, բայց կար ապահովության զգացողություն, կայունություն, կանխատեսելիություն»- ընդգծեց Արմեն Աշոտյանը: -Մարդիկ էս օրերին ոչ թե մտածում էին՝ ոնց գտնեն իրենց երեխեքի դիերը կամ ոնց անեն, որ մի կտոր հաց վաստակեն, այլ մտածում էին ամառը որտեղ են անցկացնելու: Քանի՞ մարդ գիտեք հիմա Հայաստանում, որ մտածում է՝ ամառը որտեղ ա անցկացնելու: Հայաստանում չկա նորմալ մարդ, որի հոգեվիճակը նույնն է, որի կենսառիթմը նույնն է, և էս ամենը բերել է, այո՛, մեր հանդեպ կարոտի: Ինչքան ապիկար պետք է լինել, որ համաժողովրդական սերը 3 տարվա մեջ վերածես ատելության ու նենց անես, որ մեզ ուզեն հետ բերել»:
Հարցին՝ ո՞վ է ուզում իրենց հետ բերել, Աշոտյանն արձագանքեց. «Հասրակությունն է ուզում մեզ հետ բերել: Ընտրություները դա ցույց կտան»:
Մանրամասները տեսանյութում:
