03.04.2026 | 12:14
Բողոքի ակցիա Գլխավոր դատախազության մոտ Հանրային հեռուստաընկերության գործունեության հետ կապված․ ՈՒՂԻՂ
Էմանուել Մակրոնին ապտակած տղամարդը կկանգնի դատարանի առաջ
Քաղաքականություն
10.06.2021 | 16:51
Ֆրանսիայի նախագահ Էմանուել Մակրոնին ապտակած տղամարդը կկանգնի դատարանի առաջ այսօր կայանալիք արագ դատավարության ժամանակ, գրում է Guardian-ը։
Միջնադարյան մարտարվեստի սիրահար Դամիեն Թարելը խոստովանել է, որ ապտակել է Մակրոնին, սակայն քննիչներին ասել է, որ կանխամտածված չի եղել, հայտնել է դատախազ Ալեքս Փերին:
28-ամյա գործազուրկ երիտասարդը հարցաքննության ժամանակ ասել է, որ եղել է հակակառավարական «դեղին ժիլետներ» շարժման անդամ և ունի աջ ծայրահեղական քաղաքական համոզմունքներ:
«Նա պնդում էր, որ գործել է ոչ կանխամտածված, առանց մտածելու է արտահայտել իր դժգոհությունը»,- հայտնել է Փերինը:
Հիշեցնենք՝ համացանցում տարածվել էր տեսանյութ, որում երևում էր, որ Ֆրանսիայի ղեկավարը մոտենում է իրեն սպասող մարդկանց, բռնում տղամարդկանցից մեկի ձեռքը, սակայն վերջինս մյուս ձեռքով ապտակում է նախագահին: Այնուհետև իրավիճակին միջամտում են թիկապահները, որոնք նախագահին հեռացնում են, իսկ տղամարդուն՝ բռնում:
Տաթև Ֆռանգյան
