31.07.2026 | 14:13
«Ժողովրդավարությունը հաճախ հետընթաց է ապրում ընտրված իշխանությունների՝ համակարգը քանդող քայլերից»․ Նարեկ Սուքիասյան. ՏԵՍԱՆՅՈւԹ
Հնդկաստանը COVID-19-ից մահացության հերթական հակառեկորդն է գրանցել
Քաղաքականություն
10.06.2021 | 15:35
Հնդկաստանում մեկ օրվա ընթացքում COVID-19-ից մահացության հերթական հակառեկորդն է գրանցվել՝ 6․148 մարդ, գրում է «ՌԻԱ Նովոստին»՝ հղում կատարելով Հնդկաստանի Առողջապահության նախարարությանը։
Մահացությունների թվի նման աճը կապված է Բիհար նահանգում համաճարակի զոհերի թվի վերահաշվարկով։ Այս նահանգում կորոնավիրուսային երկրորդ ալիքի ժամանակ հայտնաբերել է ևս 3951 մահվան ելքով դեպք։
Ստուգումներն իրականացվել են այն բանից հետո, ինչ Պատնայի բարձրագույն դատարանը պահանջել է վերանայել տվյալները՝ ԶԼՄ-ներում հայտնված այն տեղեկություններից հետո, որ տեղի իշխանությունները թաքցնում են զոհերի իրական թիվը։ Արդյունքում Բիհար նահանգը մահացությունների թվով 17-րդ հորիզոնականից բարձրացել է 12-րդ հորիզոնական։
Միևնույն ժամանակ, Հնդկաստանում հիվանդության աճն արդեն 3-րդ օրն է՝ մնում է 100 հազարից ցածր և արդեն 2 շաբաթ է չի գերազանցում 200 հազարը։ Բժիշկների կարծիքով՝ սա վկայում է երկրորդ ալիքի նահանջի մասին։
Տաթև Ֆռանգյան
