18.12.2025 | 12:26
Նիկոլ Փաշինյանը շնորհավորական ուղերձ է հղել Կատարի Ազգային տոնի առիթով
Չավուշօղլուն հայտարարել է, որ ԱՄՆ-ն ցանկանում է Անկարայի հետ համագործակցել Կովկասում
Քաղաքականություն
10.06.2021 | 12:20
ԱՄՆ-ն ցանկություն է հայտնել համագործակցել Թուրքիայի հետ մի շարք ուղղություններով։ Այս մասին հայտարարել է Թուրքիայի ԱԳ նախարար Մևլութ Չավուշօղլուն TRT HABER հեռուստաընկերության եթերում, գրում է «Անադոլու» գործակալությունը։
«Մենք տեսնում ենք, որ ԱՄՆ-ն ցանկանում է համագործակցել մեզ հետ ոչ միայն Լիբիայի ու Սիրիայի հարցերում, այլև տարբեր ոլորտներում՝ Միջերկրական ու Սև ծովերից մինչև Կովկաս»,- ասել է Չավուշօղլուն։
Նա նշել է, որ Անկարան դրական օրակարգով է մոտենում Թուրքիայի նախագահ Ռեջեփ Թայիփ Էրդողանի ու նրա ամերիկացի գործընկերոջ՝ Ջո Բայդենի առաջիկա հանդիպմանը։ Չավուշօղլուն հավելել է, որ թուրքական կողմը նմանատիպ ազդանշաններ է ստանում Վաշինգտոնից։
Նշենք, որ ԱՄՆ-ի ու Թուրքիայի նախագահների հանդիպումը տեղի է ունենալու հունիսի 14-ին Բրյուսելում ՆԱՏՕ-ի գագաթնաժողովի շրջանակում։
Էմմա Չոբանյան
