14.09.2026 | 23:23
Պապիկյանի գլխավորած պատվիրակությունն աշխատանքային այցով մեկնել է Չինաստան
ՌԴ ու Թուրքիայի ԱԳ փոխնախարարները պայմանավորվել են շարունակել Հարավային Կովկասում հաղորդակցության ուղիների ապաշրջափակման աշխատանքները
Քաղաքականություն
09.06.2021 | 22:08
Մոսկվայում հունիսի 8-ին Ռուսաստանի ու Թուրքիայի ԱԳ նախարարությունների միջև տեղի են ունեցել խորհրդակցություններ։ Թուրքական կողմից մասնակցել է Թուրքիայի ԱԳ փոխնախարար Ս․Օնալը, ռուսական կողմից՝ ՌԴ ԱԳ նախարարի տեղակալներ Ս․ Վերիշինը, Ա․ Գրուշկոն ու Ա․ Ռուդենկոն։ Այս մասին տեղեկանում ենք ՌԴ ԱԳՆ տարածած հաղորդագրությունից։
Կողմերը քննարկել են սիրիական, Լեռնային Ղարաբաղի, պաղեստինա-իսրայելական և այլ տարածաշրջանային ճգնաժամերի լուծման ասպեկտները՝ միջազգային նորմերի և ՄԱԿ-ի ԱԽ համապատասխան բանաձևերի հիման վրա։ Մտքերի փոխանակում է տեղի ունեցել հակամարտության գոտիներում լարվածության օջախները վերացնելու, հրադադարի կայուն ռեժիմները պահպանելու, ինչպես նաև մարդասիրական օգնության և փախստականների վերադարձի հարցերի լուծումը՝ բազմակողմ հարթակներում ջանքերի համադրման միջոցով։
«Անդրկովկասում, Ուկրաինայում և Կենտրոնական Ասիայում առկա իրավիճակի քննարկման համատեքստում հայտարարվել է փոխադարձ դիրքորոշում՝ ջանքերի հետագա համակարգման համար՝ ի շահ այդ տարածաշրջաններում խաղաղության և կայունության ամրապնդման։ Բարձր գնահատական է տրվել Լեռնային Ղարաբաղի հակամարտության գոտում հրադադարի և այլ ռազմական գործողությունների վերահսկման ռուս-թուրքական համատեղ կենտրոնի գործունեությանը։ Պայմանավորվածություն է ձեռք բերվել շարունակել Հարավային Կովկասում տնտեսական ու տրանսպորտային ուղիների ապաշրջափակման ուղղությամբ աշխատանքները»,- ասվում է հաղորդագրության մեջ։
Էմմա Չոբանյան
