27.11.2024 | 21:44
ՀՀ ԱԳՆ-ն՝ ԵՏՄ նիստը Սանկտ Պետերբուրգում անցկացնելու մասին
Բելառուսն ընդլայնում է Ադրբեջանի հետ ագրարային ոլորտում համագործակցությունը
Քաղաքականություն
07.06.2021 | 21:43
Բելառուսն ընդլայնում է ագրարային ոլորտում Ադրբեջանի ու Տաջիկստանի հետ համագործակցությունը։ Այս մասին հայտարարել է Բելառուսի գյուղատնտեսության ու սննդի նախարար Իվան Կրուպենկոն, հայտնում է «Sputnik»-ի ադրբեջանական ծառայությունը։
«Անցած տարին դժվարին է եղել համաճարակի պատճառով, բայց մենք հաղթահարեցինք այն, կատարեցինք մեր առաքումներն և լավ կողմից ներկայացանք մատակարարներին: Այսօր մենք ունենք նոր պայմանագրեր, և դրանք ավելանում են: Օրինակ, Ադրբեջանի ներկայացուցիչները հետաքրքրված էին մեր գյուղական, արդյունաբերական տարածքների վերականգնմամբ և զարգացմամբ, սոցիալական միջավայրի ստեղծմամբ, գյուղատնտեսական քաղաքներում սոցիալական օբյեկտների կառուցմամբ: Կարծում եմ, որ մենք կունենանք երկար և բեղմնավոր համագործակցություն։
Նախարարի խոսքով՝ Տաջիկստանում ստեղծվել է բելառուսական տրակտորների և «Գոմսելմաշ» կոմբայնների համատեղ արտադրություն: Վերջերս այս երկրից աշխատանքային խումբ էր այցելել Բելառուս և նախատեսվում է ընդլայնել համատեղ արտադրության գիծը։
Ավելի վաղ Բելառուսի շինարարության և ճարտարապետության նախարարության մամուլի քարտուղար Վադիմ Կրիվեցկին հայտնել էր, որ նախարարությունը պատրաստվում է Ղարաբաղում գյուղատնտեսական քաղաքներ կառուցել:
«Դա կլինի տարածքի համապարփակ զարգացում: Այս պահի դրությամբ կոնկրետ որևէ բան չկա, կա քննարկում: Քանի որ սա Բելառուսի և Ադրբեջանի համագործակցության նոր ճյուղ է, պետք է հասկանալ, որ այն պետք է շահավետ լինի երկու կողմերի համար»,- շեշտել է նա՝ ավելացնելով, որ առայժմ անհնար է ասել, որ Ղարաբաղում ագրո-քաղաքները կկառուցվեն բելառուսական ստանդարտ նախագծերի համաձայն:
Տաթև Ֆռանգյան
