23.11.2024 | 13:14
Անահիտ Ավանեսյանը այցելել է «Հանրապետական շտապօգնության ծառայության» Շիրակի մարզային կայան
Չեմ փոշմանում, որ Խաչատուր Սուքիասյանին քննադատել եմ. դա իմ գնահատականն է եղել. Հովիկ Աղազարյան. ՏԵՍԱՆՅՈՒԹ
Քաղաքականություն
03.06.2021 | 18:20
«Ես ոչ մի խնդիր չեմ տեսնում»,- այս մասին այսօր լրագրողներ հետ զրույցում նշեց «Իմ քայլը» խմբակցության պատգամավոր Հովիկ Աղազարյանը՝ անդրադառնալով դիտարկմանը, որ գործարար Խաչատուր Սուքիասյանը հայտնվել է «Քաղաքացիական պայմանագիր» կուսակցության նախընտրական ցուցակում:
«Որոշումը կայացրել է մեր կուսակցության քաղաքական ղեկավարությունը, և ես, որպես կարգապահ կուսակցական, պարտավոր եմ ենթարկվել այդ որոշմանը»,- նշեց պատգամավորը:
Պատգամավորն անդրադարձավ դիտարկմանը, որ 2019-ին քննադատել է Խաչատուր Սուքիասյանին՝ ասելով. «Խաչատուր Սուքիասյանը 100 անգամ Սերժ Սարգսյանի կենացը խմել է, հիմա նեղվում է, թե գործարանն իրենից խլել են»: «Դա ասվել է տվյալ ժամանակին՝ այդ օրերի իրողություններին համապատասխան: Ես չեմ կարծում, թե դա պետք է հիմք հանդիսանար, որ արգելվեր Սուքիասյանին ՔՊ ցուցակում ընդգրկելը, կամ ես հիմա պետք է հանդես գայի ընդդիմադիր կեցվածքով՝ նրա՝ մեր ընտրացուցակում հայտնվելու համար: Ես քննադատական խոսք եմ ասել՝ այդ իրավիճակին համապատասխան, ոչ ավելին»:
Դիտարկմանը, որ Աղազարյանը կոշտ քննադատությամբ էր հանդես եկել՝ ասելով, որ Սուքիասյանը հարստահարել է իր ընտանիքին և խոչընդոտել իր գործունեությունը, Աղազարյանը նշեց, որ դա վերաբերում էր 2000-ականներին. «Հայաստանում բիզնես աշխարհի գործելաոճն ընդհանրապես այդպիսին էր: Ես պարտք ունեի՝ բավականին մեծ գումար, և այդ խնդիրներն, այսպես թե այնպես, լուծեցինք: Հիմա հույս ունեմ՝ մեր համագործակցությունը կնպաստի, որ ժամանակին իմ կրած վնասները ինչ-որ ձևով փոխհատուցվեն»:
Հարցին, թե չի՞ փոշմանում, որ ժամանակին քննադատել է Սուքիասյանին, Աղազարյանը պատասխանեց. Բոլորովին, չկա որևէ բանիմ կյանքում, որ ժամանկին արել եմ, կամ ասել եմ, և փոշմանեմ: Իհարկե չեմ փոշմանել, դա իմ գնահատականն է եղել… Այն ինչ-որ եղել է, չի կարելի համարել չեղած»:
Մանրամասները՝ տեսանյութում:
