09.06.2026 | 20:39
«Օսիպյանը հրաժարվել է բուժզննումից․ հացադուլի 14-րդ օրից հետո կյանքը ցանկացած պահի կարող է դադարել»․ փաստաբան
Ճանապարհային ոստիկանությունը` «Վերջին զանգի» միջոցառումներին ընդառաջ
Հասարակություն
03.06.2021 | 19:01
Ճանապարհային ոստիկանությունը, անվտանգ երթևեկություն ապահովելուց զատ, հաճախ կազմակերպում է նաև տարաբնույթ կանխարգելիչ միջոցառումներ. տեղեկացնում են ՀՀ ոստիկանությունից:
Ինչպես ամեն տարի, այս տարի ևս «Վերջին զանգի» միջոցառումներին ընդառաջ ոստիկանները հանդիպումներ են ունենում հանրապետության ավագ դպրոցների տնօրենների և ուսուցչական կազմի հետ: Հանդիպումների ընթացքում ոստիկանները ծանոթանում են «Վերջին զանգի» օրն անցկացվելիք միջոցառումների ծրագրերին, քննարկում հասարակական կարգի ու ճանապարհային երթևեկության անվտանգության ապահովմանը վերաբերող հարցեր:
Ճանապարհային ոստիկաններն այդ օրը լինելու են դպրոցների մերձակա տարածքներում և խստագույնս հետևելու են երթևեկության կանոններին։
Անցանկալի հետևանքներից խուսափելու նպատակով հորդորում ենք շրջանավարտներին, ծնողներին և ուսուցիչներին՝ լինել զգոն, պահպանել երթևեկության կանոնները և հասարակական կարգը։ «Վերջին զանգն» ուրախ է և հիշարժան, երբ ավարտվում է առանց պատահարների:
