11.10.2026 | 23:33
Հակոբ Շարբաթյանը՝ բռնցքամարտի Եվրոպայի Մ-17 չեմպիոն. ՏԵՍԱՆՅՈՒԹ
ՌԴ-ում «օտարերկրյա գործակալ» հայտարարված լրատվականներից մեկը դադարեցնում է իր գործունեությունը
Հասարակություն
03.06.2021 | 15:21
Ռուսական VTimes հրատարակչությունը, որը ստեղծվել էր 2020 թվականի հուլիսի վերջին «Վեդոմոստի»-ից աշխատանքից ազատված լրագրողների կողմից, հունիսի 12-ից կդադարեցնի իր աշխատանքը։ Այս մասին հունիսի 3-ին իր կայքէջում հայտնել է հրատարակչությունը, գրում է DW-ի ռուսական ծառայությունը։
Սույն որոշումը կայացվել է, քանի որ ՌԴ Արդարադատության նախարարությունը հրատարակչությունը ներառել է «օտարերկրյա գործակալների ցուցակում»։ Լրագրողները նշում են, որ այնքան էլ չեն վախենում քրեական հետապնդումներից։
««Օտարերկրյա գործակալ» պիտակը փլուզեց VTimes-ի բիզնես-մոդելը, իսկ մենք այս հրատարակչությունը ստեղծել էինք հենց որպես բիզնես։ Գովազդատուներն ու գործընկերները չեն հասկանում, թե ինչպես է պետք համագործակցել «օտարերկրյա գործակալի» հետ, և մենք չենք կարող նրանց դրա համար քննադատել»,- համոզված են հրատարակչությունում։
Բացի այդ, հրատարակչության ղեկավարի խոսքով, պաշտոնյաների, գործարարների ու վերլուծաբանների մեծ մասը վախենում է մեկնաբանություն տալ VTimes-ին՝ իր կարգավիճակի պատճառով։
Տաթև Ֆռանգյան
