07.02.2026 | 18:20
Վարչապետը ծանոթացել է «Armenian Helicopters» ընկերության գործունեությանն ու զարգացման ռազմավարությանը
Դանիայի հետախուզությունը թույլ է տվել գաղտնալսել Մերկելին
Քաղաքականություն
31.05.2021 | 14:38
ԱՄՆ ՊՆ կազմում գործող Ազգային անվտանգության գործակալությունը (NSA) օգտագործել է Դանիայի ռազմական հետախուզության (FE) հետ համագործակցությունը՝ Գերմանիայի, Շվեդիայի, Նորվեգիայի և Ֆրանսիայի առաջատար քաղաքական գործիչներին , այդ թվում նաև Անգելա Մերկելին գաղտնալսելու համար։ Այս մասին են վկայում Դանիայի ռազմական հետախուզության «Դունհամմերի օպերացիա» կոդային անվանմամբ ներքին հետաքննությունը, գրում է DW-ի ռուսական ծառայությունը։
Հետաքննությունն անցկացվել է Ազգային անվտանգության գործակալությունից թաքուն՝ FE աշխատանքային խմբի միջոցով ՝ չորս հակերների և վերլուծաբանների մասնակցությամբ, որոնք ուսումնասիրել են դանիական-ամերիկյան մասնագիտացված ծառայությունների փոխգործակցության առանձնահատկությունները:
Ըստ լրագրողների՝ NSA-ը լրտեսել է Մերկելին, Ֆրանկ-Վալտեր Շտայնմայերին՝ Գերմանիայի Արտաքին գործերի նախարարի պաշտոնավարման ընթացքում և Սոցիալ-դեմոկրատական կուսակցությունից կանցլերի թեկնածու Պիեր Շտայնբրյուկին:
Տաթև Ֆռանգյան
