19.12.2025 | 19:10
Փարաքար համայնքին կվերադարձվի 0.2 հա մակերեսով հողամաս. Գլխավոր դատախազության հայցը բավարարվել է
Սիրիայի նախագահական ընտրություններում Բաշար Ասադը բացարձակ հաղթանակ է տարել՝ հավաքելով ձայների 95.1%-ը
Քաղաքականություն
28.05.2021 | 10:49
Բաշար ալ-Ասադը հաղթել է Սիրիայի նախագահական ընտրություններում՝ հավաքելով ձայների 95,1% -ը: Այս մասին ասել է Սիրիայի խորհրդարանի խոսնակ Համմուդա Սաբբագը. փոխանցում է ՌԻԱ Նովոստին:
Ասադի օգտին, նրա խոսքով, քվեարկել է 13,5 միլիոն սիրիացի: «Նա հաղթեց՝ ստանալով ձայների բացարձակ մեծամասնությունը: Քվեարկելու իրավունք ուներ 18 մլն 107 հազար 109 քաղաքացի, քվեարկեց՝ 14 միլիոն 239 հազար 140-ը: Ասադը հավաքեց ձայների 95,1% -ը», – ասել է Սաբբագը:
Հաղթանակից հետո Ասադը հայտարարել է երկրի պատմության նոր փուլի մասին. «Եկեք վաղվանից սկսենք աշխատանքի մի նոր փուլ, որպեսզի կառուցենք Սիրիան այնպես, ինչպես որ պետք է կառուցենք»:
2000 թվականից նախագահող Ասադը ընտրվեց ևս 7 տարի ժամկետով: Նախորդ ՝ 2014-ին կայացած ընտրություններում նա հավաքել էր ավելի քան 88% ձայն:
