16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
էրդողանը Բայդենի կողմից Հայոց ցեղասպանության ճանաչումը թուրք-ամերիկյան հարաբերություններում ևս մեկ բեռ է անվանել
Քաղաքականություն
27.05.2021 | 15:59
Թուրքիայի նախագահ Թայիփ Էրդողանը չորեքշաբթի կոչ է արել ԱՄՆ-ի մի քանի կորպորատիվ ղեկավարների `ավելի լավ կապեր հաստատել Թուրքիայի հետ՝ կրկին քննադատելով Սպիտակ տան որոշումը` 1915 թվականի Հայոց ցեղասպանությունը ճանաչելու համար, գրում է Reuters-ը։
Էրդողանը, սակայն, հույս է հայտնել, որ ԱՄՆ-Թուրքիա կապերը, այնուամենայնիվ, «նոր դարաշրջան» մուտք կգործեն նախագահ Ջո Բայդենի հետ դեմ առ դեմ հանդիպումից հետո, որը նախատեսված է հունիսի 14-ին և որը լինելու է երկու երկրների ղեկավարների առաջին հանդիպումը անցյալ տարվա ԱՄՆ ընտրություններից հետո:
«1915 թվականի իրադարձությունների վերաբերյալ Բայդենի հայտարարությունը ևս մեկ բեռ ավելացրեց մեր կապերի վրա, սակայն ես հավատում եմ, որ ՆԱՏՕ-ի գագաթնաժողովի ժամանակ հունիսի 14-ին կայանալիք հանդիպումը կդառնա նոր դարաշրջանի նշան»,- հայտարարել է նա Boeing, Amazon, Microsoft, Kellogg, PepsiCo, Cisco, Procter&Gamble և Johnson&Johnson ընկերությունների ղեկավարների հետ տեսակոնֆերանսի ժամանակ։
Տաթև Ֆռանգյան
