16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Էրդողանը կայցելի Շուշի ու Բաքու
Քաղաքականություն
27.05.2021 | 14:53
Թուրքիայի նախագահ Ռեջեփ Թայիփ Էրդողանը հունիսի 15-ին կայցելի Բաքու, հաջորդ օրը ակնկալվում է նրա այցը Շուշի։ Այս մասին «ՌԻԱ Նովոստիին» հայտնել է Ադրբեջանում իր դիվանագիտական աղբյուրը։
Ավելի վաղ ադրբեջանական լրատվականները, հղում անելով Թուրքիայի մշակույթի ու տուրիզմի նախարար Մեհմեդ Նուրի Էրսոյին, հայտնում էին, որ Էրդողանի այցը Բաքու նախատեսված է մոտակա շաբաթներին։
«Հունիսի 15-ին սպասվում է, որ Թուրքիայի նախագահը կայցելի Ադրբեջան: Հաջորդ օրը ակնկալվում է, որ Ադրբեջանի և Թուրքիայի նախագահները կայցելեն Ղարաբաղի Շուշի քաղաք», – հայտնել է աղբյուրը:
Հավելենք նաև, որ այսօր Թուրքիայի կրթության նախարար Զիյա Սելջուքի հետ հանդիպմանը Ադրբեջանի նախագահ Իլհամ Ալիևը հայտարարել է, որ Էրդողանի հետ Շուշի են այցելելու՝ նշելով, որ պատրաստվում են Շուշիում դպրոցի հիմնարկեքի արարողության, որը լինելու է «Ադրբեջանին նվեր եղբայրական թուրք ժողովրդից»։
Տաթև Ֆռանգյան
