17.09.2026 | 14:24
Ադրբեջանցի պատգամավորը հայտարարել է, թե կարող է Հայաստանի տարածքում հուշարձաններ «վերականգնել»
Քաղավիացիայի միջազգային կազմակերպությունը քննարկելու է, թե ինչ քայլեր ձեռնարկի ընդդեմ Բելառուսի
Քաղաքականություն
27.05.2021 | 18:12
Քաղաքացիական ավիացիայի միջազգային կազմակերպությունը (ICAO) հինգշաբթի օրը կքննարկի, թե միջազգային մակարդակով ինչ միջոցներ պետք է ձեռնարկվեն Բելառուսի դեմ այն բանից հետո, երբ այդ երկրի իշխանությունները ստիպել էին՝ օտար երկրին պատկանող ինքնաթիռը վայրէջք կատարի և ձերբակալել էին ինքնաթիռում գտնվող ընդդիմադիր Ռոման Պրոտասևիչին։
ICAO-ի խորհրդի 36 անդամների արտահերթ նիստը տեղի կունենա այսօր, գրում է BBC-ի ռուսական ծառայությունը։
Ի պատասխան Ryanair- ի ինքնաթիռի հարկադիր վայրէջքի, որը շատ երկրների քաղաքական գործիչներ անվանում են օդային ծովահենության ակտ, եվրոպական պետությունների մեծ մասը, ներառյալ Բելառուսի հարևանները ՝ Լեհաստանը, Լիտվան, Ուկրաինան և Լատվիան, փակել են իրենց օդային տարածքը բելառուսական ինքնաթիռների համար, բազմաթիվ ավիաընկերություններ էլ որոշել են շրջանցել Բելառուսը: Եվրամիությունը նախատեսում է այդ սահմանափակումները ձևակերպել որպես պաշտոնական պատժամիջոցներ:
Ալեքսանդր Լուկաշենկոն հավաստիացնում է, որ ինքնաթիռը վայրէջք է կատարել բացառապես օդանավում ռումբի մասին հաղորդագրության պատճառով, բայց Լուկաշենկայի ռեժիմի բոլոր հակառակորդները միանգամայն համոզված են, որ ռումբի մասին հաղորդագրությունը դիտավորյալ է տարածվել, և ինքնաթիռին հարկադրել են վայրէջք կատարել՝ Պրոտասևիչին ձերբակալելու համար:
Տաթև Ֆռանգյան
