11.10.2026 | 20:00
15 հազար մարդ Հայաստան է գալիս․ ի՞նչ է սպասվում COP17-ում․ բնությունը մարդուց պաշտպանելու ՇԵՐՏԵՐԸ
Նախագահի պաշտոնում Բայդենի եւ Պուտինի առաջին հանդիպումը տեղի կունենա հաջորդ ամիս
Քաղաքականություն
25.05.2021 | 22:49
Նախագահ Բայդենը և Ռուսաստանի Դաշնության Նախագահ Վլադիմիր Պուտինը նախատեսում են հաջորդ ամիս հանդիպել Ժնեւում: Այս մասինգրում է Ամերիկայի Ձայնը։
Այն կլինի Բայդենի եւ Պուտինի առաջին դեմ առ դեմ հանդիպումը:
Մեկօրյա գագաթաժողովը ներառելու է թեմաների լայն շրջանակ, այդ թվում միջուկային զենքի տարածմանը, ԱՄՆ-ի ընտրություններին Ռուսաստանի միջամտությանը, կլիմայի փոփոխությանը և քովիդ-19 հիվանդությանը վերաբերող հարցեր:
Ակնկալվում է, որ Բայդենը իր մտահոգությունը կհայտնի ուկրաինական սահմանին կուտակված ռուսական զորքերի, ինչպես նաև Ռուսաստանի դաշնակից Բելառուսի կողմից քաղաքացիական ինքնաթիռի հարկադիր վայրէջք պարտադրելու և ուղեւորոներից մեկին ձերբակալելու առնչությամբ:
ԱՄՆ-ի պաշտոնատար անձինք չեն ակնկալում, որ հանդիպումը լուրջ բեկում կդառնա կողմերի լարված հարաբերություններում: Փոխարենը, այն դիտարկվում է որպես Բայդենի և Պուտինի համար հարաբերությունների բարելավման և երկու երկրների շահերի և հնարավոր խնդրահարույց ոլորտների ավելի լավ ընկալման առիթ:
