02.05.2024 | 12:37
ՌԴ ՊՆ-ն հայտնել է ուկրաինական 12 անօդաչու ոչնչացնելու և որսալու մասին
Հայաստան կներմուծվեն 27 նոր մարդատար վագոններ․Սուրեն Պապիկյանը՝ «Հարավկովկասյան երկաթուղու» ներդրումների մասին
Տնտեսություն
25.05.2021 | 21:38
ՀՀ տարածքային կառավարման և ենթակառուցվածքների նախարար Սուրեն Պապիկյանն այսօր Գյումրիում Շիրակի մարզի համայնքապետերի հետ հանդիպման ժամանակ ասել է, որ մի կարևոր նորություն կա կապված՝ «Հարավկովկասյան երկաթուղի»կողմից կատարվող ներդրումների հետ։
«Գյումրիի հետ սերտ առնչվող «Հարավկովկասյան երկաթուղու» մասով մենք նորություն ունենք։ Հայաստանի Հանրապետություն այս ամսվա վերջին օրերին և մյուս ամսվա սկզբին կներմուծվեն 27 նոր վագոններ։ Խոսքը վերաբերում է մարդատար վագոններին՝ երեք նոր շարժակազմով։ Այսինքն՝ այն արագընթաց շարժակազմերը, որոնք գործում էին Երևան-Գյումրի ուղղությամբ, սրանց շարքը կհամալրեն ևս երեք նոր շարժակազմեր, և մենք կունենանք ամբողջությամբ նորացված շարժակազմերով ու վագոններով երկաթուղային տրանսպորտ։
Ընդ որում սա սպասարկելու է ոչ միայն Երևան-Գյումրի գծին, այլև երկաթգծային ամբողջ հասանելիության ուղեծրով, այն է՝ մինչև Երասխ և մինչև Գյումրի։ Սա մեզ համար կարևոր ձեռքբերում է, քանի որ նաև «Հարավկովկասյան երկաթուղու» գործընկերների հետ կարողացել ենք հասնել նրան, որ ֆինանսական կարևոր առաջխաղացում տեղի ունենա։ Այսինքն՝ այն ներդրումները, որոնք նախատեսում էին անել հաջորդող 15 տարիների ընթացքում, մենք դրա գգալի մասը տեղավորել ենք 2021-2024 թվականների ընթացքում,որը էական ազդեցություն է ունենալու այս ոլորտում՝ թե՛ սպասարկման, թե՛ որակի մասով»,- ասել է նախարարը։
Արմիկ Մովսիսյան
