14.09.2026 | 20:06
Հայաստանի և Վրաստանի ՆԳ նախարարները քննարկել են հանցավորության դեմ պայքարի և անվտանգության ոլորտում համագործակցությունը
Ռուս ընդդիմադիր Ալեքսեյ Նավալնիի նկատմամբ երեք նոր քրեական գործ է հարուցվել
Քաղաքականություն
25.05.2021 | 15:17
Ռուս ընդդիմադիր Ալեքսեյ Նավալնիի նկատմամբ երեք նոր քրեական գործ է հարուցվել։ Այս մասին Նավալնիին անձամբ տեղեկացրել է Ռուսաստանի քննչական կոմիտեի գլխավոր քննչական վարչության հատկապես կարևոր գործերի քննիչը, ասված է քաղաքական գործչի բլոգում , գրում է DW-ի ռուսական ծառայությունը։
«Նախ, ես, քննիչների պնդմամբ, գողացել եմ բոլոր հանգանակությունները, որոնք դուք արել էիք Կոռուպցիայի դեմ պայքարի հիմնադրամին։ 3 թերթում գրված որոշման մեջ բացարձակ ապացույցներ չկան։ Պարզապես գրված է «շորթել է»»,- պատմել է Նավալնին։
Նրա խոսքով՝ երկրորդ գործը հարուցվել է «շատ էկզոտիկ» 239 հոդվածի համաձայն. «Ոչ առևտրային կազմակերպության ստեղծում, որը ոտնահարում է քաղաքացիների անձը և իրավունքները»:
«Հետաքննիչներն ինձ մեղադրում են այն բանում, որ ես ստիպել եմ քաղաքացիներին հրաժարվել քաղաքացիական պարտականությունները կատարելուց։ Որոշումը ևս բաղկացած է 3 թերթից և ապացույցներից այնտեղ կա այն, որ ես առանց թույլտվության հրապարակել եմ «Պուտինի պալատը» ֆիլմը։ Երրորդ գործը կապված է «դատավոր Ակիմովին վիրավորելու» հետ, որը վարում էր «վետերանին վիրավորելու» գործով դատավարությունը», – պատմել է Նավալնին՝ նշելով, որ նշված չէ, թե ինչպես է վիրավորել դատավորին։
