01.04.2025 | 23:14
Ապրիլ ամսվա եղանակի կանխատեսումը և կլիմայական բնութագիրը
ԵՐԵՎԱՆԻ ԺԱՄԱՆԱԿՈՎ․ Մեր պարտության պատճառը ոչ թե 80-ականների զենքն էր, այլ 80-ականների մտածողությունը․ Ռուբեն Բաբայան․ ՏԵՍԱՆՅՈՒԹ
Քաղաքականություն
22.05.2021 | 19:32
«Մեր թշնամին շահագրգռված է, որ մինչև առաջիկա ընտրությունները լարված պահի Հայաստանի ժողովրդին, որովհետև էմոցիոնալ դաշտում ընտրություն կատարած ժողովուրդը հեշտ ղեկավարվող է, մինչդեռ մենք սթափ ընտրության կարիք ունենք»,- Factor TV-ի հետ զրույցում նման տեսակետ է հայտնում Երևանի պետական տիկնիկային թատրոնի գեղարվեստական ղեկավար և տնօրեն Ռուբեն Բաբայանը։
Նրա խոսքով՝ երբ լինի սահմանների ճշգրտում, կարևոր է, թե ովքեր են լինելու միջնորդները․ «Այս պարագայում ես այդքան էլ չեմ վստահում երաշխավորին և միջնորդին (նկատի ունի՝ ՌԴ-ն-հեղ․)։ Կցանկանայի՝ միջնորդների լայն շրջանակ լիներ և պրոցեսն արհեստականորեն չարագացվեր, դրանում ներգրավվեր ՄԱԿ-ը, Մինսկի խումբը, մեր հարցերը լուծվեին միջազգայնորեն ընդունված կանոնակարգով»։
Բաբայանի համոզմամբ՝ Ադրբեջանը պատերազմից առաջ կարողացավ ապահովել իրավական դաշտ, մենք էլ գոնե հիմա պետք է դա անենք․«Եթե այսօր հրաժարվում ենք իրավական դաշտից, հույսը դնում ենք միջնորդների վրա, իսկ միջնորդը վաղը կարող է փոխել իր կարծիքը»։
Մեր զրուցակիցը շեշտում է՝ պարտվողական տրամադրությամբ հասարակությունը ոչինչ չի կարող արարել․ «Պետք է որոշենք՝ պարտվողականությունից դուրս գալ ռևանշով, թե՞ ուղեղով․ ըստ իս՝ ուղեղով, հակառակ դեպքում կրկին պարտություն ենք կրելու։ Պարտվել ենք, որովհետև դոփել ենք տեղում։ Մեր պարտության պատճառը ոչ թե 80-ականների զենքն էր, այլ 80-ականների մտածողությունը։ Մինչև վերջին պատերազմն էլ խոսում էինք ջոկատների, ֆիդայական շարժումների, «հայրենասիրության» մասին, որը իբր կարող էր հաղթել անօդաչու սարքերին։ Այս ամենը լավ է ասմունքի երեկոների համար, բայց պատերազմը գիտություն է»։
Մանրամասները՝ տեսանյութում։
Աննա Բաբաջանյան
