27.04.2026 | 11:20
Արամ Սարգսյանը ներկայացնում է «Հանրապետություն» կուսակցության նախընտրական ծրագիրը․ ՏԵՍԱՆՅՈՒԹ
Կորոնավիրուսի հնդկական մուտացիան ներթափանցել է նաև Կիպրոս
Քաղաքականություն
20.05.2021 | 18:27
Կորոնավիրուսի մուտացիան, որն առաջին անգամ հայտնաբերվել է Հնդկաստանում, ներթափանցել է Կիպրոս։ Այս մասին հայտնել է այս միջերկրածովյան հանրապետության առողջապահության նախարարությունը, գրում է DW-ի ռուսական ծառայությունը։
Վիրուսի մուտացված շտամը հայտնաբերվել է 4 մարդու մոտ։ Նրանք մեկուսացված են հյուրանոցներում։ Առողջապահության համաշխարհային կազմակերպության տեղեկությունների համաձայն՝ B.1.617 տեսակը հայտնաբերվել է ավելի քան 40 երկրում։
Կիպրոսի իշխանությունները հույս ունեն կանխել Covid-19-ի տարածումը պատվաստումների միջոցով։ Այս պահի դրությամբ երկրի բնակչության շուրջ 45 տոկոսը ստացել է վիրուսի դեմ պատվաստանյութի առնվազն մեկ չափաբաժինը։
Հիշեցնենք՝ համաճարակի մեկնարկից ի վեր ավելի քան 165 միլիոն մարդ վարակվել է կորոնավիրուսով: Ավելի քան 3.4 միլիոն հիվանդ մահացել է COVID-19 հաստատված ախտորոշմամբ:
Տաթև Ֆռանգյան
