17.02.2026 | 23:22
ՀՀ ԱԳ նախարարի տեղակալը Հռոմում ներկայացրել է COP17-ի Հայաստանի նախագահության առաջնահերթությունները
Իսրայելը ոչնչացրել է Գազայի հատվածում ՀԱՄԱՍ-ի թունելների ցանցը
Քաղաքականություն
20.05.2021 | 12:46
Իսրայելի Պաշտպանության ուժերը հայտարարել է Գազայի հատվածում ՀԱՄԱՍ շարժման թունելների ցանցի «վնասազերծման» մասին: Այս մասին հայտնում է «Գազետան»։
Ըստ իսրայելցի զինվորականների՝ վերջին տասնամյակների ընթացքում ՀԱՄԱՍ-ը ստեղծել է թունելային ցանց, որը գտնվում է Գազայի հատվածում բնակելի շենքերի տակ:
Թունելներն ակտիվորեն օգտագործվել են շարժման զինյալների կողմից ՝ Իսրայելի տարածք հրթիռներ արձակելուց հետո թաքնվելու համար: Թունելները վերածվել են բարդ ստորգետնյա համակարգի, որը շարժման ներկայացուցիչներին թույլ էր տալիս ոչ միայն թաքնվել, այլ նաև տեղափոխել զինամթերք և զենք:
Նշվում է, որ ռազմական գործողության ընթացքում իսրայելցի զինվորականներին հաջողվել է ոչնչացնել շուրջ 100 կմ ստորգետնյա թունել:
«Ընդամենը հինգ օրվա ընթացքում մենք չեզոքացրեցինք այն (թունելների ցանցը-խմբ.)», – ասված է հաղորդագրության մեջ:
Տաթև Ֆռանգյան
