30.06.2026 | 13:54
ՀՀ-Ադրբեջան, ՀՀ-Թուրքիա կարգավորումը տարածաշրջանում համագործակցության ընդլայնման հեռանկարներ են ստեղծում․ Պապուաշվիլի
Թուրքիայում լոքդաունի արդյունքում COVID-19-ով վարակվողների քանակը կտրուկ նվազել է․ հանվել է խիստ լոքդաունը
Քաղաքականություն
17.05.2021 | 13:58
Թուրքիայում COVID-19-ի պատճառով հայտարարված 17-օրյա լիակատար լոքդաունն այսօր ավատվել է, և սկսվել է սահմանափակումների հետզհետե չեղարկման 15-օրյա փուլը, քանի որ երկրում վիրուսի տարածման նվազում է նկատվում, գրում է Hurriyet Daily News-ը։
Մահմեդականների համար սուրբ համարվող Ռամադան ամսի և Էիդ ալ-Ֆիթր տոնակատարությունների ժամանակաշրջանում հայտարարված խիստ լոքդաունը հանվել է այսօր՝ տեղի ժամանակով ժամը 5։00-ին։
Հիշեցնենք՝ Թուրքիայում լիակատար լոքդաուն է հայտարարվել ապրիլի 29-ին, այն բանից հետո, երբ COVID-19-ով վարակման ամենօրյա դեպքերի թիվը հասել էր ավելի քան 60 000-ի, մահացությունների թիվը նույնպես եղել է ռեկորդային:
Լոքդաունի արդյունքում հիվանդությամբ վարակվողների քանակը կտրուկ նվազել է ՝ մայիսի 8-ին հասնելով մինչև 20 000-ի: Թուրքիայի առողջապահության նախարարությունից հայտնում են, որ մայիսի 13-ից դեպքերի թիվը հասնում է 11 000-ի:
Տաթև Ֆռանգյան
