14.09.2026 | 20:30
Ադրբեջանը սարքել է եվրոպացի դիվանագետների գլխին՝ մասնակից դարձնելով իր կազմակերպած շոուին․ Էդգար Առաքելյան. ՏԵՍԱՆՅՈՒԹ
Անգլիացի պատգամավորները երկրի իշխանություններից պահանջել են վերանայել Թուրքիայի հետ հարաբերությունները
Քաղաքականություն
14.05.2021 | 17:59
Մեծ Բրիտանիայի խորհրդարանի 53 պատգամավոր այդ երկրի արտգործնախարար Դոմինիկ Ռաաբին նամակ է ուղարկել՝ անհանգստություն հայտնելով Թուրքիայում տեղի ունեցող վերջին զարգացումների վերաբերյալ. գրում է ermenihaber-ը:
Պատգամավորները նշել են, որ իրենց խորապես մտահոգում են Թուրքիայում մարդու իրավունքների խախտումները, քաղաքական գործիչների ու լրագրողների ձերբակալությունները, Քոբանիի դատական գործի հետ կապված ապօրինությունները և Ստամբուլի կոնվենցիայից պաշտոնապես դուրս գալու որոշումը: Նրանք Մեծ Բրիտանիայի կառավարությունից պահանջել են վերանայել Թուրքիայի հետ հարաբերությունները:
Նրանք նաև հայտնել են, որ Թուրքիայի կառավարության ճնշող քաղաքականության, պատգամավորների ձերբակալությունների, կրոնի և մտքի ազատության իրավունքների ոտնահարման հետևանքով լրջորեն վտանգվել է ժողովրդավարությունը:
Պահանջվել է Թուրքիայի հարցով նիստ հրավիրել խորհրդարանում: Բացի այդ, անգլիացի պատգամավորներից կազմված մի պատվիրակություն կմեկնի Թուրքիա՝ մասնավորապես, այդ երկրի արևելյան շրջանների բանտերում ստուգումներ կատարելու համար:
