27.01.2026 | 13:38
ԱՄՆ-ը հերքել է, որ Ուկրաինայի անվտանգության երաշխիքները կապել է Կիևի կողմից տարածքային զիջումների հետ
Ադրբեջանցիների հետ բանակցությունները վերսկսվել են. Գորիսի փոխքաղաքապետ
Քաղաքականություն
14.05.2021 | 14:47
Ադրբեջանցիների հետ բանակցություններն արդյունք չեն տվել։ Այս մասին Factor TV-ին այս մասին ասաց Գորիսի փոխքաղաքապետ Մենուա Հովսեփյանը՝ մեկնաբանելով Սյունիքի մարզում՝ Սև լճի տարածքում ստեղծված իրավիճակը։
«Ադրբեջանցիների հետ բանակցություններն արդյունք չեն տվել։ Այսօր կրկին վերսկսվել է բանակցային գործընթացը»,- հավելեց նա։
Հովսեփյանն ընդգծեց, որ որևէ պայմանավորվածություն դեռևս ձեռք չի բերվել։
Նշենք, որ ադրբեջանական կողմի հետ բանակցությունները մեկնարկել էին երեկ՝ մայիսի 13-ին, և տևել 6 ժամից ավելի։ Սյունիքի մարզի Վերիշեն գյուղի տարածքում գտնվող Սև լճի շուրջ իրավիճակը դեռ չհանգուցալուծված՝ երեկ ադրբեջանական զինուժը ևս երկու ուղղություններով ներխուժել էր Հայաստանի տարածք՝ օրվա ավարտին շարունակելով զբաղեցնել հայաստանյան տարածքը։
Ըստ Հայաստանի պաշտպանական գերատեսչության՝ Ադրբեջանի զինուժին հաջողվել է առաջ գալ Սիսիանի և Վարդենիսի ուղղություններով, իսկ Սև լճի տարածքում նրանք առաջացել են 3,5 կմ-ի չափով։ Երեկ երեկոյան Անվտանգության խորհրդի նիստում վարչապետի պաշտոնակատար Նիկոլ Փաշինյանը հայտարարեց ՀԱՊԿ-ին դիմելու մասին։
Մերի Մարտիրոսյան
