25.04.2026 | 13:54
Վաշինգտոնում, Չարլզ III թագավորի այցից առաջ, սխալմամբ Բրիտանական դրոշի փոխարեն կախել են Ավստրալիայի դրոշը
Իսրայելը Գազայի հատվածում ցամաքային գործողության է պատրաստվում․ ԶԼՄ
Քաղաքականություն
13.05.2021 | 12:50
Իսրայելցի զինվորականները Գազայի հատվածում ցամաքային գործողություն անցկացնելու տարբերակներ են մշակում։ Նման գործողության պլանը Գլխավոր շտաբի ղեկավար Ավիվ Կոխավիին կներկայացվի օրվա ընթացքում։ Այս մասին գրում է ՏԱՍՍ-ը՝ վկայակոչելով The Jerusalem Post-ը։
Իսրայելի Պաշտպանության բանակի մամուլի ծառայության ներկայացուցիչ Խիդայ Զիլբերմանը հայտնել է, որ ներկայում զինվորականների օրակարգոևւմ գործողությունների հնարավոր բոլոր տարբերակներն են, այդ թվում՝ Գազայում ցամաքային գործողությունը։ Գազայի հատվածի սահման արդեն մի քանի բրիգադ է տարվել՝ դեսանտային, հետևակային, զրահատանկային ստորաբաժանում։
Վերջին օրերին Պաշտպանության բանակն ուժգնացրել է Գազայում ՀԱՄԱՍ շարժման թիրախների հրթիռակոծությունը։ Հարվածներ են հասցվել Գազա քաղաքում Ֆինանսների նախարարության և Իսլամական ազգային բանկի գրասենյակի շենքերին։ Չորեքշաբթի էլ հրթիռակոծության հետևանքով փլուզվել է անկլավի ամենաբարձր շենքը՝ Աշ-Շուրուքը, որտեղ մի շարք լրատվամիջոցների և ընկերությունների գրասենյակներ են, խանութներ և բնակարաններ։
Իսրայելցի զինվորականները հայտարարել են, որ հարվածները հասցվում են առավելագույնս հստակ, տեղական բնակչությունը ժամանակին զգուշացվում է թիրախների մասին։ Նրանք նաև կարծում են, որ Գազայում բազմաթիվ քաղաքացիական օբյեկտներ ՀԱՄԱՍ-ն օգտագործում է ռազմական նպատակներով։
