31.07.2026 | 23:31
ՀԾԿՀ նախագահը այցելել է «Երևանի ՋԷԿ». քննարկվել են էներգաբլոկի ներկայիս հնարավորությունները
Թուրքիան աշխատավորների իրավունքներն ամենից շատ ոտնահարող երկրների տասնյակում է
Քաղաքականություն
11.05.2021 | 12:58
Միջազգային արհմիությունների կոնֆեդերացիան (ITUC) հրապարակել է 2021թ․ «Իրավունքների համաշխարհային ինդեքսը»։ Ըստ այդմ՝ Թուրքիան տեղ է գտել այն երկրների տասնյակում, որտեղ աշխատավորների իրավունքները ամենից վատթար վիճակում են. գրում է ermenihaber-ը:
Նշված երկրների տասնյակն ունի հետևյալ տեսքը․ Բանգլադեշ, Բրազիլիա, Կոլումբիա, Եգիպտոս, Հոնդուրաս, Հնդկաստան, Ղազախստան, Ֆիլիպիններ, Թուրքիա և Զիմբաբվե։
Զեկույցի համաձայն՝ աշխատավորների իրավունքներն առավելագույնս պահպանված են Ավստրիայում, Դանիայում, Ֆինլանդիայում, Գերմանիայում, Իսլանդիայում, Իռլանդիայում, Իտալիայում, Նիդերլանդներում, Նորվեգիայում, Սլովակիայում, Շվեդիայում և Ուրուգվայում։
Զեկույցի՝ Թուրքիային վերաբերող բաժնում արձանագրվել է, որ այս երկրում հաճախակի են դարձել գործատուների կողմից արհմիությունների ներկայացուցիչների և աշխատավորների իրավունքների խախտումները:
ITUC-ի տվյալներով, 2016թ. հուլիսի 15-ի հեղաշրջման փորձից հետո Թուրքիայի կառավարության կողմից սահմանափակվել է քաղաքացիների ազատությունը:
«Այս վախի մթնոլորտում մշտապես սպառնալիքի տակ գտնվող աշխատողները զրկված են արհմիության իրավունքներից»,- նշվում է զեկույցում:
