19.12.2025 | 14:36
19 մլն դրամ կորցրի Գազպրոմի անունից խաղարկության, 17 հզր դոլար էլ`«Deliver» կազմակերպությունից. տուժած. ՏԵՍԱՆՅՈՒԹ
Քոչարյանն իր արածների համար պատասխան տալու է. Վահագն Հովակիմյան. ՏԵՍԱՆՅՈՒԹ
Քաղաքականություն
10.05.2021 | 17:30
Ռոբերտ Քոչարյանը քաղաքականությամբ չի զբաղվել անգամ այն ժամանակ, երբ զբաղեցնում էր երկրի նախագահի պաշտոնը: Այս մասին լրագրողների հետ ճեպազրույցում նշեց «Իմ քայլը» խմբակցության պատգամավոր Վահագն Հովակիմյանը՝ անդրադառնալով դիտարկմանը, որ նախօրեին Ազատության հրապարակում ելույթ ունենալով՝ Ռոբերտ Քոչարյանը հայտարարել է, որ քաղաքականություն վերադառնալու մտադրություն չի ունեցել, բայց այս իշխանությունն իրեն «պարտադրել» է վերադառնալ:
«Քոչարյանը երբեք չի եղել քաղաքական գործիչ և հիմա էլ քաղաքականությամբ չի զբաղվում: Իր պաշտոնավարման տարիներին նա չի զբաղվել քաղաքականությամբ, այլ, ըստ էության, բռնություն, սպանություն… Նա երբեք ընտրություններ «չի կրել», ոչ մի կապ չունի մեր ժողովրդի, մեր հույզերի, մեր մշակույթի հետ, ինքը օտար մարմին է, որը եկավ-մտավ Հայաստանի կյանքի մեջ ու հիմա էլ ինքը նույնն է, չի փոխվել: Դուք ե՞րբ եք նրանից քաղաքական ելույթ լսել: Քոչարյանը քաղաքական գործիչ չէ, չի եղել ու չի էլ լինելու»,- նշեց Հովակիմյանը:
Դիտարկմանը, որ թալանի ու Մարտի 1 կազմակերպելու մեջ մեղադրվողները հիմա քաղաքական հայտ են ներկայացնում, պատգամավորն արձագանքեց. «Աշխարհի պատմության մեջ շատ հանցագործներ են քաղաքական հայտ ներկայացրել: Մեր օրենսգիրքն էլ դա թույլ է տալիս…
Մենք երազում ենք իրավական պետության մասին… Եթե կարծում ենք, որ իշխանությունը պետք է որոշի՝ ով պետք է ազատության մեջ լինի, ով՝ կալանավորվի, դա մեր երազանքի հետ կապ չունի: Դա ընդամենը էմոցիա է: Այո՛, Քոչարյանն իր արածների համար պատասխան տալու է, դա աներկբա է…»,- նշեց Վահագն Հովակիմյանը:
Մանրամասները՝ տեսանյութում:
