19.12.2025 | 21:55
ԱԱԾ-ին վերագրվող թուղթ է հրապարակվել. Եզրաս արքեպիսկոպոսի՝ ԿԳԲ-ի գործակալ լինելու պնդման արձագանքները․ ՏԵՍԱՆՅՈՒԹ
Գերմանիայի ԱԳ նախարարը ՌԴ-ին «երկխոսության վերադառնալու» կոչ է արել
Քաղաքականություն
10.05.2021 | 16:16
Գերմանիայի ԱԳ նախարար Հայկո Մաասը Ռուսաստանին ԵՄ-ի հետ «երկխոսության վերադառնալու» կոչ է արել։ DW-ի ռուսական ծառայության փոխանցմամբ՝ Մաասը նման հայտարարությամբ հանդես է եկել Բրյուսելում ԵՄ անդամ պետությունների ԱԳ նախարարների հանդիպման ժամանակ։
«Մենք պատրաստ ենք երկխոսության, և ժամանակն է, որ Մոսկվան նույնպես վերադառնա երկխոսության»,- ասել է գերմանացի դիվանագետը։
Նա հավելել է, որ Եվրամիությունը չպետք է փոխի քաղաքացիական իրավունքների պաշտպանությանն ուղղված քաղաքականությունը, այդ թվում՝ Ռուսաստանում։
Մաասը հիշեցրել է, որ ապրիլի 30-ին, մասնավորապես, Ռուսաստանն արգելափակել է ԵՄ անդամ երկրների 8 քաղաքացիների և ԵՄ պաշտոնական կառույցների ներկայացուցիչների մուտքը երկիր։
Ռուսաստանն այս սահմանափակումները որակել է որպես պատասխան՝ մարտի 2-ին և 22-ին ԵՄ Խորհրդի ներդրած պատժամիջոցների ՌԴ վեց քաղաքացիների նկատմամբ, որոնք մասնակից են ընդդիմադիր գործիչ Ալեքսեյ Նավալնու դեմ հետապնդմանը։
